Нойтон Хөрөнгөний талаарх асуултууд Миний талх түүхийрээд байх юм? 1. Нойтон хөрөнгө талхны зуурмаг хөөлгөх чадалтай байх ёстой. Хөрөнгөтэйгөө сайн ажиллах хэрэгтэй. Дөнгөж хөрөнгө гаргаж аваад талх хийхэд талх удаан эсдэг, аяндаа хөрөнгө хүчтэй болохоороо сайн хөөлгөдөг болно. Хөрөнгө нь сайн хөрөнгөний шинж чанаруудыг харуулж байгаа эсэхийг анзаараарай. Хэрвээ хөрөнгө сайн гараагүй бол талх сайн хөөхгүй түүхийрдэг. 2. Талхны зуурмагаа хөөхөд тэвчээртэй байх. Талхны эхний хөөлт маш чухал. Хэмжээг нь 2 дахин томортол сайн хөөлгөх, доод тал нь 3 цаг болно. Хөөсөн зуурмагаа хэвлэхдээ маш зөөлөн хөнгөн хөдөлгөөнөөр хэвлэнэ. Хоёр дахь хөөлтийн явцад зуухаа сайн халаагаарай. Зуух халж амжаагүй байхад талх хөөсөн байвал зуух халтал дэндүү хөөгөөд зууханд орохдоо суулт өгөөд түүхийрч болно. 3. Зуухаа сайн таньж мэдэх. Хэт халуун зууханд талх хийхэд талх гадна талаасаа амархан борлоод дотор тал нь болж амжихгүй түүхий гарч ирж болзошгүй. Хуурай хөрөнгө хийж эхлээд 2 дахь өдөрөө сонин үнэртээд байна? 1. Эхний хэдэн өдөр талхний хөрөнгөний бактер үүсэж эхэлж байхдаа их содон үнэр гардаг. Үргэлжлүүлээд тэжээгээд байгаарай, яваандаа зөв бактер үржээд ирэхээрээ үнэр нь исгэлэн тараг шиг болдог. 2. Хэрвээ бүүр тэсэхийн аргагүй муухай үнэртэй болоод байвал магадгүй хөрөнгөний бактерийн тэнцвэр алдагдсан байж магад асгаад шинээр эхлээрэй. Миний талх гадна тал нь дэндүү хатуу болоод байна. 1. Зуурмаг нь дэндүү хатуу байж магад. Зуурмаг хатуу байвал талхны гадна тал нь хатуу, дотор тал нь аргуун болдог. Эхэндээ жаахан өтгөн зуурч болно, яваандаа гурилаа бага хийгээд зуурч байхдаа аль болох хуурай гурил багахан хийгээд зуураарай, харин жорноосоо илүү их ус хийж болохгүй. 2. Зуухны хэмийг сайн тохируулах. Зуухтайгаа сайн танилцах. Хэт халуун зууханд талхны гадна тал нь түлэгдээд хатуу болох тал байна. 3. Зуухны хэм хэмжээндээ хүрээгүй бол бор өнгөтэй болохыг нь хүлээсээ байтал гадна тал нь хатаад хатуу болох ч тал байна. Зуухаа яаж халж байгааг сайн анзаараарай.
https://www.facebook.com/crystalsbrea... 