Нойтон Хөрөнгөний Сандвичний Талх Нойтон хөрөнгөө урд орой нь 8-12 цаг тэжээж хонуулна. Гурилаа дэвтээх буюу аутолиз (оотолийз гэж дуудлагатай) 750-790 гр эсвэл 5 ¼ - 5 ½ аяга цайруулаагүй гурил 52 гр эсвэл ¼ cup элсэн чихэр/бурам 18 гр эсвэл 1 Хоолны том халбага давс 350 гр эсвэл 1 ½ аяга дээр нь 2 Хоолны том халбага ус 31°C/87°F орчим хэмтэй 180 гр эсвэл ¾ аяга сүү 31°C/87°F орчим хэмтэй Гурил, элсэн чихэр/бурам, давсаа хутгаад нийлүүлээд дээр нь ус болон сүүгээ хийнэ. Дөнгөж хуурай гурилгүй болтол зуурна. Тэрнээс илүү зуурахгүй, өрөөний хэмд 30 минут дэвтээнэ. Талхны зуурмаг Дэвтээсэн гурилын зуурмаг 150 гр эсвэл ½ аяга нойтон хөрөнгө 90 гр эсвэл 6 ½ Хоолны том халбага маш зөөлөн масло (хайлуулахгүй) Дэвтээсэн гурил дээрээ нойтон хөрөнгөө хийгээд сайтар нийлтэл зуурна. Хэрвээ таны нойтон хөрөнгө өтгөн талдаа байвал зуурмаг дээр халбага халбагаар нь ус нэмээд зуурмагийг зөөлөн болгоно. Хэрвээ таны нойтон хөрөнгө шингэвтэр байвал зуурмаг дээрээ халбага халбагаар гурил нэмээд өгч болно. Зуурмаг жигдрээд ирэхээр маслоо гурав таслаад 2 хоолны халбага орчмыг хийгээд нийлтэл нь зуурна. Зуурмаг жигдхэн зөөлөвтөр болох ёстой. Амраагаад татаж сунгах Зуурмагаа өрөөнийн хэмд 30 минут амраагаад хэд хэдэн удаа сунгаж татаж эвхэнэ. Энэ үйлдийг 3 удаа давтана. Хучаад өрөөний хэмд 2-3 цаг хөөлгөнө. Хэвлэх Зуурмагаа 2 хуваагаад зөөлөн тал талаас нь татаад бөөрөнхий хэлбэрт оруулна. Хучаад 20-30 минут амраана. Зууван хэлбэртэй хэвлээд талхныхаа саванд хийгээд, хучаад 50-75%тай болтол хөөлгөнө. Өрөөний хэмээс шалтгаалаад 3-5 цаг орчим болно. Жигнэх Талхаа зууханд хийхээс 45-60 минутийн өмнө зуухаа 220°C/425°F хэм халаана. Талхны дээд талыг нь зориулалтын хутгаа гуриланд дүрж байгаад зүслэг хийнэ. Зуурмаг зөөлөн бас тостой учраас хутга наалдаад зүсэхэд бэрхшээл үүсэж болно. Үүний дараа гадарыг өндөгний шарыг сүүтэй (устай хутгаж болно, дан өндөг байсан ч болно) хутгаад түрхэнэ. Зуухны голд эхлээд 220°C/425°F хэмд 20-30 минут жигнээд галаа бууруулаад 190°C/375°F хэмд 10-15 минут нэмж жигнэнэ. Хэрвээ хатгадаг термометр байвал голд нь хатгахад 99°C/210°F хэм байхад болсон гэж үзнэ. Амтархан хүртээрэй.
