Чиа, Маалинга, Хулууны Үртэй Нойтон Хөрөнгөний Талх Талхны жор: Нойтон хөрөнгө 320 гр эсвэл 1 1/2 аяга Давс 10 гр эсвэл 1 1/2 цайны халбага Ус 460 гр эсвэл 2 аяга (21-25 C эсвэл 70-78F температурт) Бүхэл үрийн гурил 200 гр эсвэл 1 2/3 аяга Цагаан гурил 500-550 гр эсвэл 3 1/2-1/3 аяга Үрний холимог 3/4 аяга эсвэл 180-200 гр буцалсан халуун ус Чиа үр 70 гр эсвэл 1/2 аяга Хулууний үр 50 гр эсвэл 1/3 аяга Маалинганы үр 55 гр эсвэл 1/3 аяга Үрнүүдээ нийлүүлж хутгаад дээр нь буцалсан халуун ус хийгээд өрөөний температурт таглалгүй хонуулна. Дэвтээх буюу автолиз, бас нэг цавуулаг үүсгэх арга юм. Гурил ус хоёроо холиод 30 минут амраана. Зуурах: Дээр нь нойтон хөрөнгө давсаа хийгээд нийлтэл нь сайтар зуурна. Хучаад нэг цаг амраагаад таталт сунгалт хийнэ. Дахиад нэг цаг амраагад үрийн холимгоо хийгээд татаж сунгана. Нэг цаг амраагаад сунгана, үүнийг 1- 2 удаа давтаж болно. Хэвлэх: Хөөсний дараа 2-3 хуваагаад, хэвлээд баннетон буюу талх хөөдөг сагсанд эсвэл листэн дээр 2 цаг орчим хөөлгөнө. Жигнэх: Пийшэнд хийхээс 1 цагийн өмнө пийшэнгээ 200-230 С эсвэл 400-450 F халаана. Хэрвээ ширмэн саванд хийх бол ширмэн саваа пийшэнгээ асаахаас өмнө хийж халаана. Хэрвээ лист дээр тавих бол пийшингийнхээ доор метал сав хийж халаана. Ширмэн саванд талхаа таглаад 20 иинут тэгээд тагыг нь аваад 10 минут болгоно. Хэрвээ лист дээр тавибал эхлээд метал савандаа 1 аяга халуун ус хийгээд уур үүсгээд талхаа пийшингийн дунд тавиур дээр тавиад 30 минут болгоно. Болсон эсэхийг шалгахдаа талхны ёроолыг тогшоод хөндий сонсогдож байвал зуухнаас гаргана. 1 цаг хөргөөд зүсэж идэж болно. Амтархан идээрэй.
