"Бәрі, бәрі есімде..." - Есмұхан Обаев - (9 лекция)

25 қараша күні М.О.Әуезов мұражай-үйінде Р. Бердібаев атындағы Халық университетінде қонақта театр режиссері, Қазақ КСР Халық әртісі, тәуелсіз "Тарлан" сыйлығының лауреаты, профессор Есмұхан Несіпбайұлы Обаев «Бәрі, бәрі есімде...» тақырыбында дәріс оқыды. Іс-шараны ашқан М.Әуезов атындағы әдебиет және өнер институтының директоры Кенжехан Ісләмжанұлы кеш қонағынан қазақ театрының бүгіні мен ертеңі, қызмет жолындағы қойылымдары мен спектакльдері туралы естеліктерімен бөлісуді сұрады. Дәріс барысында Есмұхан Обаевтың «Бәрі, бәрі есімде...» тақырыбындағы кітабының тұсаукесері ұйымдастырылды. Іс-шараға әдебиеттанушы ғалымдар, жазушылар мен оқытушылар қауымы және Есмұхан Обаевтың шәкірттері қатысты.