Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
2019 жылдың 24 сәуірі күні М.Әуезов музей-үйінде «Ұлы дала топырағында туған «Авеста» деген тақырыппен кезінде академик Рахманқұл Бердібай негізін қалаған әйгілі «Халық университетінің» жұмысы қайта жанданды. «Алматы қалалық халық университеті» деп аталған, халыққа ғылыми-көпшілік білім беру мақсатын ұстанған қоғамдық негіздегі дәрістер курсы 1963 жылы ашылған болатын. Содан бастап 1998 жылға дейін 500-ден аса дәріс өткізіліпті. Сабақтарда халқымыздың тарихына, ғылымына, өнеріне, мәдениетіне, әдебиетіне қатысты тақырыптардың талайы қамтылған. Дәріс оқуға академик Әлкей Марғұлан, белгілі зерттеуші, ғалым Ақжан Машанов, тілші-ғалым Құлмат Өмірәлиев, жазушы-ғалым Мұхтар Мағауин және т.б. зиялы қауым өкілдері шақырылған болатын. М.Әуезов атындағы Әдебиет және өнер институтының директоры, филология ғылымының докторы, Алматы қалалық мәслихат депутаты К.Матыжановтың бастамасымен "Ұлы дала топырағында туған "Авеста" тақырыбында дәріс оқуға "Тұран" университетінің ректоры, экономика ғылымдарының докторы, Алматы қалалық мәслихат депутаты Р.Алшанов шақырылды. 2018 жылы Рахман Алшановтың «Тайны двадцати тысячелетий: поиски и открытия" атты кітабы жарық көрген болатын. Іс-шараға тарихшылар мен әдебиеттанушылар, жас ғалымдар мен ЖОО-ның студенттері қатысты. К.Матыжанов "Рухани жаңғыру" бағдарламасы аясында, сонымен қатар "Жаңа гуманитарлық білім: қазақ тіліндегі 100 жаңа оқулық" жобасы аясында ішіне"Авеста" эпосы кіретін бестомдық ежелгі әдебиет антологиясы, жарық көретіндігін атап өтті.
