Францияның "ARTE FRANCE" телеарнасы Мұхтар Әуезов туралы деректі фильм түсірді

Франция мен Германия арасындағы мәдени және ақпараттық ынтымақтастықтың нәтижесінде 1990 жылы құрылған «ARTE FRANCE» атты еуропалық қоғамдық телеарнада 4 ақпаннан бастап қазақ халқының ұлы жазушысы Мұхтар Омарханұлы Әуезов туралы арнайы деректі фильм көрсетілуде. Бағдарламаның авторы белгілі журналист Анна Луссуарн. Фильм авторлары 2023 жылы арнайы сапармен Қазақстанға келіп, Мұхтар Омарханұлының туған жері Абай ауданын және Алматы қаласында орналасқан «Әуезов үйі» ғылыми-мәдени орталығын кеңінен түсіріп, мәліметтер жинады. Сондай-ақ Орталық директоры Диар Асқарұлы Қонаевтан Мұхтар Әуезов туралы сұхбат алды. Деректі фильм аталған телеарнада 1ай бойы тұрақты түрде беріліп отырады.