Жижиг хотын хавар

Гуравдугаар сар гарахад цаг наашлан газар дэлхий ногоорч, хаашаа л харна номин ногоон өнгөөр нүд булаан сэтгэл бүлээцүүлдэг билээ. Хөрс цоолон цухуйсан нялх ногооны үзүүрт үрийн нимгэн хальс үзэгдэнэ. Бяцхан үрээс соёолсон өвс ямх хэртэй урган байж сая хөрсөн дээр ил гарна. Үхэрчин хүүхдүүд ханын ёроолд хэвтээ хагархай ваарын хэлтэрхийг түүж яваад өвс цухуйсныг олж хармагц: -Ээж ээ, өвс гарчхаж! Хэмээн баяртай дуу алдахад ээж нь: -наран ээвэр газар ургаа байлгүй дээ гэж хариулав.