Арын асар

Манайх 2-р хүрээ, манай жишүү эсрэг талын хаалга бол 7-р хүрээ. 7-р хүрээ бол хар будагтай жижигхэн хаалгатай, үүдэн дээгүүр нь улаан ороонго бүрхэж, хашаан дотор нь ургаа модод найган, шарилж бүсэлхийн чинээ өндөр ургасан, жихүүн цэвдэг чөтгөр шулмын оромж гэмээр. Шяоси бид хоёр мөргөлч хорхой барих гэж 7-р хүрээнд ороод ван ноёны магнаг дээл шиг шар дээр хар ногоон судалтай, гялтганасан өнгөтэй могой өвсний ёзоороор шургахыг олж харсан юм. Бидний хэн нь ч вангийн өмсгөл харж байгаагүй боловч жүжгийн тайзнаас ван ноёныг үзэж байлаа. Түүний өмсгөл тэр могойтой нэлээд дөхөж очих билээ.