100 % Улаан Буудайн Бүхэл Үрийн Талх (100% Whole Wheat Sourdough Bread) - Нойтон Хөрөнгө 1 том дугуй талх болно. Нойтон эх хөрөнгөө хөргөгчөөс гаргаад өрөөний температурт 1-2 цаг байлгана. Хөрөнгө өрөөний температурын бүлээнтэй болсны дараа нойтон эх хөрөнгөө арвижуулна. Үүн дээр: Ус 90 гр эсвэл 1/4 аяга дээр нь нэмээд 3 Хоолны том халбага (21-25 C эсвэл 70-78F температурт) Бүхэл үрийн гурил 25 гр эсвэл 3 Хоолны том халбага Цагаан гурил 55 гр эсвэл 1/4 аяга дээр нь нэмээд 3 Хоолны том халбага Бүгдийг хольж хутгаад өрөөний температурт 8-12 цаг хөөлгөнө. Талхны жор: Нойтон хөрөнгө 160 гр эсвэл 3/4 аяга Давс 5 гр эсвэл 3/4 цайны халбага Ус 230 гр эсвэл 1 аяга (21-25 C эсвэл 70-78F температурт) Бүхэл үрийн гурил 300-370 гр эсвэл 2 1/4-1/3 аяга 1. Талхны зуурмаг: Дунд зэргийн саванд хэмжиж тасалж авсан нойтон хөрөнгөө хийгээд дээр нь талхны орцнуудаа хийж модон хутгуураар савныхаа хананаас салтал хутгана. 2. Гурил цацсан гадаргуу дээр зуурмагаа гаргаж ирээд гараараа сайн 12-15 минут нухаж цавуулаг үүсгэнэ. Тосолсон саванд хийгээд өрөөний температурт 3 цаг орчим буюу 2 дахин томортол хөөлгөнө. 3. Эссэн зуурмагаа гурил цацсан хавтгай гадаргуу дээр асгаад хэвлэнэ. Зуурмаг шингэвтэр учраас наалдах хандлагатай байж магад. Аль болох хуурай гурил их нэмэлгүйгээр хэвлэнэ. Зуурмагтайгаа их зууралдаж хийг нь их гаргахаас болгоомжлоорой. Баннэтон гээд модон саванд гурил цацаад гөлгөр талыг нь доош нь харуулж тавина. Алчуураар хучаад өрөөний температурт 2 цаг хөөлгөнө. Жигнэхээсээ 1 цагийн өмнө зуухаа 200-230 С градуст халаана. 4. Талхаа зүслэг хийгээд халуун чулуун дээрээ тавиад төмөр саваараа хучаад 20 минут жигнээд төмөр саваа аваад 10-15 минут өнгө нь улбар шаргал болтол жигнэнэ. Зуухнаас гаргаад сайн хөргөнө. Амтархан идээрэй.
https://www.facebook.com/crystalsbrea... 