Глютенгүй буюу Цавуулаггүй Талх (GF) 2 хоолны халбага эсвэл 20 гр Маалинганы үрийн нунтаг 1/3 аяга эсвэл 85 гр халуун ус 1 бүтэн өндөг дээр бүлээн ус хийгээд 1 3/4 аяга болгоно 1 хоолны том халбага буюу 10 гр псиллиум (psyllium husk) 2 цайны халбага эсвэл 8 гр хуурай хөрөнгө 1 хоолны халбага эсвэл 8 гр элсэн чихэр 1 1/2 цайны халбага эсвэл 8 гр давс 3 1/2 -4 аяга эсвэл 500-550 гр Глютенгүй буюу Цавуулаггүй Гурил (Bob's Red Mill компанийн Gluten Free all purpose baking flour) хэрвээ шаардлагатай бол дээр нь нэмж болно 1. Жижиг саванд халуун ус хийгээд дээр нь маалинганы үрний нунтагыг хийж доод тал нь 10 минут дэвтээнэ. Дунд зэргийн саванд глютенгүй гурилаа жинлүүрээр хэмжиж хийвэл сайн дээр нь нунтаг псиллиум хийнэ. Сарзгар төмрөөр сайтар хольж хутгана. 2. Өөр нэг дунд зэргийн саванд өндөгтэй усаа хийгээд дээр нь хуурай хөрөнгө, элсэн чихэр, давсаа хийгээд сайтар найруулна. 3. Шингэн зүйл дээрээ гурилаа 1/4 аягаар хутгаж бага багаар хийгээд савныхаа хананаас салтал нь модон халбагаар сайн зуурна. Зуурмагаа гурилдсан гадаргуу дээр асгаад хоёр тэнцүү хуваана. Бөөрөнхий хэлбэрт оруулаад парчмент цаас дэвссэн төмөр дээр тавина. Хэрвээ энэ талхыг анх удаа хийж байгаа бол төмөр талхны саванд хийхийг зөвлөж байна. Талхныхаа савыг тосоор тослох эсвээс парчмент цаас дэвсэж болно. Зуурмаг хоорондоо нийлэхгүй байвал гараа усаар норгоод зуурмагаа нойтон гараараа илээд хэлбэржүүлж болно. 4. Гялгар цаасаар хөнгөхөн хучих эсвэл гал тогооны алчуураар, эсвээс томоохон гялгар уутанд хийж хөөлгөнө. Өрөөний температурт 45-60 минут хөөлгөнө. Зууханд хийхээс 20-30 минутын өмнө зуухаа 200C юмуу 400F градуст халаагаана. 5. Хэрвээ талхны төмөр саванд хийж байгаа бол зууханд хийгээд зуухны градусыг 190С эсвэл 375F болтол бууруулаад 45-50 минут өнгийг нь бор шаргал болтол болгоно. 6. Хэрвээ чулуун дээр болгож байгаа бол 200С эсвэл 400F градуст саваар таглаад 20 минут, таггүйгээр 20 минут өнгө нь бор шаргал болтол жигнэнэ. 7. Болсны дараа 2-24 цаг бүрэн сайн хөргөж байж зүснэ.
https://www.facebook.com/pg/crystalsb... 