Өндөгтэй Булчик 3 ½ - 4 аяга буюу 450-500 гр гурил 2 ¼ цайны халбага хуурай хөрөнгө – 10 гр 1 аяга бүлээн сүү – 250 гр ¼ аяга элсэн чихэр – 60 гр ¼ аяга хайлсан масло – 55 гр ½ цайны халбага давс – 4 гр 3 өндөгний шар Өндөгний түрхэц: 1 сайтар хутгасан өндөг юмуу өндөгний шар дээр 1 хоолны том халбага ус хийгээд сайтар хутгаж нийлүүлнэ. Заавар: 1. Том саванд бүлээн сүү хийгээд дээр нь хуурай хөрөнгөө хийгээд уустал нь сайн хутгана. Үүн дээрээ элсэн чихэр, давс, масло болон өндөгний шараа хийж сайн найртал нь хутгаад дээр нь 3 аяга гурил хийж савныхаа хананаас салтал хутгана. 2. Гурилдсан гадаргуу дээр зуурмагаа гаргаад үлдсэн гурилаа нэмээд хатуу зөөлөн нь дунд зэргийн байдалтай гарт наалдаад байхааргүй зуурмаг болтол нь гараараа сайн нухна. Хэтэрхий хатуу биш. Нийтдээ 6-8 минут нухаад тосолсон саванд хийгээд таглаад өрөөний температурт 1 цаг эсвээс хэмжээ нь 2 дахин өстөл нь хөөлгөнө. 3. Зуурмагаа гадаргуу дээр гаргаад ижил тэнцүү 4 хуваагаад хөнгөхөн хэлбэрээр бөөрөнхий бөмбөг хэлбэрт оруулаад лангуун дээрээ хучаад 10 минут амраана. Үүнийхээ дараа нэг бөөрөнхийг нь 6 ижил хэмжээтэй хуваагаад янз бүрийн хэлбэрт оруулаад поднос дээрээ хоорондоо 4-5 см – ийн зайтай өрж тавина. Нийтдээ 24 булчик болно. Алчуураара хучаад ойролцоогоор 30-40 минут өрөөний температурт хөөлгөнө. 4. Зуухаа 30-40 минутын өмнө 190 С градуст халааж бэлдэнэ. Хөөсөн булчикнийхээ гадаргууг багсаар өндөгний түрхэцээр арчаад дээр нь өөрийнхөө дуртай үрээ цацаж болно. 190 С-т 10-12 минут эсвээс өнгө нь бор шаргал болтол болгоно. Зуухнаас гаргаад сайн хөргөөд өндөгтэй булчикаа амтархан идээрэй.
https://www.facebook.com/crystalsbrea... 