Ықшамдалған таухид кітабы. 12-бап. Жүрек амалдары. Ұстаз: Омар Теміртас

12. Жүрек амалдары. Алла Тағала сөзінде: {Адамдар арасында кейбіреулер бар, өзгелерді Аллаға теңестіріп, оларды Алланы сүйгендей сүйеді...} (Бақара, 165). Алла Тағала сөзінде: {Егер сендердің әкелерің, балаларың, ағаінілерің, жұбайларың, ағайындарың, кәсіп қылып тапқан малдүниелерің, тоқтап қалуынан қорқатын саудаларың және де жақсы көретін үй-жайларың сендерге Алладан, Оның пайғамбарынан және Оның жолында соғысудан сүйіктірек болса, онда Алла әмірімен келгенше күтіңдер. Өйткені Алла мұндай бойұсынбайтын қауымды тура жолға салмайды} (Тәуба, 24). А́настан (р.а.), Алланың елшісі صلى الله عليه وسلم былай деп айтқан: «Сендердің еш қайсыларың мені әкесінен, баласынан, бүкіл адамдардан артық сүймейінше иманды болмас». Хадисті Бухари мен Муслим жеткізген. А́настан (р.а.), Алланың елшісі صلى الله عليه وسلم былай деп айтқан: «Кімде-кімнің бойында үш сипаты бар болса, ол олардың арқасында иманның тәттілігін татады, олар: Алла мен Оның елшісі оған бәрінен сүйіктірек болса. Біреуді сүйетін болса, тек Алла үшін ғана сүйсе. Алла күпірліктен құтқарып алғаннан кейін тозақ отына лақтырылуды қалай жек көретін болса, солайша күпірлікке қайтып оралуды жек көретін болса». Хадисті Бухари мен Муслим жеткізген. Алла Тағала сөзінде: {Әлбетте, ол шайтанның өзі ғана. Ол сендерді өзінің әулиелерімен (әскерлерімен) қорқытады. Сондықтан олардан қорықпаңдар да, Менен қорқыңдар, егер иман келтірген болсаңдар} (Әли Ғимран, 175). Алла Тағала сөзінде: {Адамдардың арасында: “Біз иман келтірдік”, деп айтатындары бар. Ал егер солар, Алла үшін жапа шексе, адамдардың азаптарын Алланың азабындай көреді} (Анкабут, 10). Әбу Сағид (р.а.) пайғамбардан صلى الله عليه وسلم жеткен мына сөздерді баяндаған: «Айқын сенімнің әлсіздігінен: Алла ашуланатын нәрсемен адамдардың разылығын іздеу, оларды Алладан болған ризығы үшін мақтау және оларды Алла бермегені үшін сөгу. Әлбетте Алланың ризығын тырысқанның еңбегі келтірмейді және қаламаушы өз қаламауымен кетірмейді». Айшадан (р.а.), Алланың елшісі صلى الله عليه وسلم былай деп айтқан: «Кімде-кім Алланың ризашылығын адамдардың ашуына қарамастан іздесе, онда Алла оған риза болады және адамдарды оған риза қылдырады. Ал кімдекім адамдардың ризашылығын Алланың ашуына қарамастан іздесе, онда оған Алла ашуланады да, адамдарды оған ашулы қылдырады». Хадисті Ибн Хиббан жеткізген және оны сахих хадистерге жатқызған. Алла Тағала сөзінде: {Ол айтты: «Раббысының кеңшілікрахметінен тек адасқандар ғана үмітсіз болады»} (Хижр, 56). Ибн Аббастан (р.а.): «Алланың елшісі صلى الله عليه وسلم үлкен күнәлар жайлы сұралған болатын. Сонда ол صلى الله عليه وسلم былай деген: “Аллаға серік қосу, Алланың рақымынан үміт үзу, және Алланың айласынан амандықта қалдым деп ойлау”». Хадисті Баззар мен Табарани жеткізген. Алла Тағала сөзінде: {Аллаға ғана тәуекел етіңдер, егер иманды болсаңдар} (Мәйда, 23). Алла Тағала сөзінде: {Иә пайғамбар, саған және сенің артыңнан ерген имандыларға Алла жеткілікті} (Анфаль, 64). Алла Тағала сөзінде: {Кімде-кім Аллаға тәуекел етсе, онда Ол оған жеткілікті} (Талақ, 3). Ибн Аббас (р.а.) былай деп айтқан: «Хасбуна Аллаһу уа ниғмальуакиль (Бізге Алла жеткілікті және Ол арқа сүйердің нығметтісі)», - деген сөзді Ибраһим صلى الله عليه وسلم отқа тасталған кезде айтқан, ал Мухаммад صلى الله عليه وسلم бұл сөзді адамдар оған былай деген кезде айтқан: {Расында, адамдар сендерге қарсы жиналды, сондықтан олардан қорқыңдар, бірақ бұл (сөз) олардың имандарын арттырды және олар: «Бізге Алла жеткілікті және Ол арқа сүйердің нығметтісі», - деді}. Хадисті Бухари мен Нәсәи жеткізген.