ықшамдалған таухид кітабы. 13-бап. Рия жайлы. Ұстаз: Омар Теміртас

13. Рия жайлы. Алла Тағала сөзінде: {Айт: Мен де сендер сияқты бір адаммын, маған сендердің Құдайларың – жалғыз Құдай екендігі уахи етілуде. Ендеше, кімде-кім Раббысымен жолығуды үміт етсе, онда игі амал жасасын және Раббысына жасаған құлшылығында, Оған ешбіреуді серік қоспасын}. (Кәһф, 110). Әбу Һурайра (р.а.) пайғамбардың صلى الله عليه وسلم келесі сөздерін жеткізген: «Алла Тағала былай деді: “Мен серіктердің барлығынан ең мұқтажда болмайтынымын, сондықтан кімде-кім бір істе Менімен бірге басқаны серік қосатын болса, онда Мен оны сол серігімен қалдырамын”».Хадисті Муслим жеткізген. Әбу Сағид (р.а.) пайғамбардың صلى الله عليه وسلم келесі сөздерін жеткізген: «Сендерге Мәсих Дажжалдан да мен үшін қауіптірек болған нәрсе туралы хабарлайын ба? Адамдар: «Хабарлаңыз, иә Алланың елшісі», - деді. Сонда ол صلى الله عليه وسلم былай деді: «Ол – жасырын ширк. Бір кісі намаз оқыған кезде басқа кісінің назары ауғандықтан өз намазын көркейтуі». Хадисті Ахмад жеткізген.