Ықшамдалған таухид кітабы. 21-бап. Алланы ұлықтау жайлы. Ұстаз: Омар Теміртас

21. Алланы ұлықтау жайлы. Алла Тағала сөзінде: {Анттарыңды сақтандар} (Майда, 89). Әбу Һурайра (р.а.) былай деп айтқан: «Мен Алланың елшісі صلى الله عليه وسلم былай айтқандығын естігенмін: “Ант ішу тауарды өтімді етеді, алайда табысын жояды1”». Хадисті Бухари мен Муслим жеткізген. Сәлмәннан (р.а.), Алланың елшісі صلى الله عليه وسلم былай деп айтқан: «Алла (Қиямет Күні) үш түрлі адаммен сөйлеспейді де оларды тазартпайды, әрі олар үшін ауыр азап бар. Олар: Ақ шашты зинақор, тәкәппар кедей, Алланы өзінің саудасына айналдырған адам. Ол Алланың атымен ант етпей, еш нәрсе сатып алмайды, әрі Алланың атымен ант етпей, еш нәрсе сатпайды». Хадисті сахих (дұрыс) тізбекпен Табарани жеткізген. Ибн Омардан (р.а.), Алланың елшісі صلى الله عليه وسلم былай деген: «Атабабаларыңмен ант етуші болмаңдар. Кімде-кім Алламен ант етсе, шындықты айтсын. Және кімге ант айтылса, онда риза болсын (сенсін). Ал кімде-кім риза болмаса, онда Алладан болмағаны». Хадисті Жақсы тізбекпен Ибн Мәджә жеткізген. Әбу Һурайрадан (р.а.), Алланың елшісі صلى الله عليه وسلم былай деп айтқан: «Ешбіреуің: “Иә Алла, егер қаласаң мені кешір, иә Алла, егер қаласаң маған рақым ет”, – деп айтпасын. Сұрауында шешімділік танытсын, Өйткені Аллада, Оны мәжбүрлеуші жоқ». Хадисті Бухари мен Муслим жеткізген. Муслимде келген риуаятта пайғамбар صلى الله عليه وسلم хадисінде былай деген: «Қалауын зор етсін, Өйткені Алла үшін ешбір берген заты зор саналмайды». Ибн Омардан (р.а.), Алланың елшісі صلى الله عليه وسلم былай деп айтқан: «Егер әлдебіреу сендерден Алланың атымен бір нәрсе сұраса, оған беріңдер. Егер біреу сендерден Алланың атымен пана сұраса, оны оған беріңдер. Егер сендерді біреу (қонаққа) шақырса, оған жауап беріңдер. Егер біреу сендерге жақсылық жасаса, оған сыйақысын беріңдер. Ал егер немен қайтаруды таппасаңдар, онда ол адам үшін қайтардым деп санағанша, дұға етіңдер». Ибн Масғуд (р.а.) былай деген: «Бірде Алла елшісіне صلى الله عليه وسلم бір яһуди ғалымы келді де: “Иә Мухаммад! Біз Алланың көктерді бір саусағына, жерлерді бір саусағына, ағаш-талдарды бір саусағына, суды бір саусағына, топырақты бір саусағына, бүкіл жаратылыстарды бір саусағына қояды деп, әрі “Мен патшамын”, – деп айтатынын кезіктіреміз”, – деді. Пайғамбар صلى الله عليه وسلم яһуди ғалымының сөздерінің растығына азу тістері көрінгенге дейін күліп жіберді де, сосын: {Олар Алланы шын мәнінде қадірлей алмады, ал Қиямет күні жер түгелдей Оның уысында болады...}, – деген аятты оқып берді». Хадисті Бухари жеткізген. Ибн Омарға (р.а.) пайғамбардың صلى الله عليه وسلم мына сөздерді айтқандығы жеткен: «Алла қиямет күні аспандарды бүктейді, содан кейін оларды оң қолымен алады да, содан соң: “Мен – патшамын, қатал күш иелері қайда? Тәкәппарлар қайда?”, – дейді. Содан кейін жеті жерді бүктейді де оларды сол қолына алады да, содан соң: “Мен – патшамын, қатал күш иелері қайда? Тәкәппарлар қайда?”, – дейді». Хадисті Муслим жеткізген. Ибн Масғуд (р.а.) былай деп айтқан: «Дүние аспаны мен келесі аспан аралығы бес жүз жыл және бір аспан мен екінші аспанның аралығы бес жүз жыл, жетінші аспан мен курсидің арасы бес жүз жыл, курси мен судың аралығы бес жүз жыл. Тақ судың үстінде, ал Алла тақтың үстінде. Одан сендердің істеріңнен еш нәрсе жасырын қалмайды». Бұл сөздерді Ибн Маһди жеткізген