ИНЦЕСТТЕН ТУҒАНДАР. Еуропа патшалары неге қарындастарымен жатқан?

  / allsabr     / solkezder   Адамзат генетиканы ашқанға дейін де туыстар арасындағы тығыз қатынастар жақсылыққа әкелмейтінін білетін. Генетикалық жақындығы бар адамдардың арасындағы интимдік қатынастар көп жағдайларда қайғылы аяқталады. Мұндай қатынастардан кейін дүниеге генетикалық аномалия мен физикалық ұсқынсыз ауру ұрпақ келеді. Ғалымдар бұл нәрсені имбридинг деп атайды. Американың Батыс Вирджиния штатындағы, Роли округында Одд дейтін біртүрлі кішігірім ауыл бар. Ауыл тұрғындары басқалардан барынша оқшауланып өмір сүреді. Олар бөтен адамдарды ұнатпайды, саясатқа араласпайды, басқа жерлерге саяхаттамайды. Бұның несі біртүрлі дейтін шығарсыз. Одд ауылының тұрғындары әлемдегі ең қатты имбридингке ұшыраған адамдар. Бірақ, солардың ішінде Уитакерлер отбасына ерекше назар аударсақ болады. Бірнеше ұрпақтың өзара жақындасуының арқасында Уитакерлер отбасы генетикалық аурулардың бәрін дерлік бойларына жинаған секілді. Тіпті отбасы мүшелерінің кейбірі бір-бірімен үріп сөйлесуге дейін жеткен. Бұл ауыл жайлы, әсіресе Уитакерлер отбасы жайлы Марк Лайта болмаса қоғам ештеңе білмес еді. 2009 жылы Лосанджелестік фотограф әрі журналист Марк Лайта Америка Құрама Штаттарын аралап, "тең жаратылған" кітабына материал іздеді. Бұл ерекше американдықтар туралы әңгімелер жазылған фотосуреттер жинағы. Қорқынышты жарақаттардан зардап шеккендер, оғаш нанымдардың жақтаушылары, жасырын миллионерлер — автордың идеясы бойынша, кітаптағы әрбір портретте адамдар арасындағы үлкен айырмашылықтар да, олардың белгілі бір адами ортақтығы да көрсетілуі керек еді. Солайша, Марк Лайтаға әлдекім Батыс Вирджинияда тұрғындары имбридингке ұшыраған ауыл барын айтады. Сонда барып Уитакерлер отбасына соғуға кеңес береді. Және кездесу психологиялық түрде оңай болмайтынын жеткізеді. Бірақ, Маркты бұл қорқытпады. Ол камерасын алды да Одд ауылына Уитакерлер отбасын іздеуге жолға шықты. Бұл уақытта Одд қаласында 799 адам өмір сүретін, сол үшін де бұл отбасыны табу қиынға соқпады. Ауылға келе сала алдынан ең бірінші кездескен адамы оған мылтықпен шығып, бұл жерден көзін құртуын сұрады. Лайта қарулы кісіні тынышталдыруға тырысқанымен, ол адам өзін өте агрессивті ұстады. Сөйтсе, ауыл тұрғындары Уитакерлер отбасын өздерінің қарауына алған екен. Оларды суретке түсіріп, қызық көру үшін келетіндерді қуып жібереді екен. Лайта оларға ерігіп келмегенін, кітапқа материал жинап жүргенін түсіндірген соң ғана оны ауылға кіргізіпті. Уитакерлердің үйі де адам шошырлық халде еді. Қисайған шатыр, шашылған қоқыстар, қаңғыған иттер. Ал, отбасы мүшелері тіпті қорқынышты еді. Бұл жайлы Марк Лайтаның өзі былай дейді: "Бұл сұмдық, мұндайды ешқашан көрген емеспін. Келсең, олар біртүрлі қараған көздерімен, саған қарай үреді. Бір жігіттің көзіне тура қарағанмын, ол айғайлап қаша жөнелді. Оның шалбары балтырына дейін түсіп жатты. Және мұндай жағдай бірнеше рет қайталанып тұрды". Лайта егіздер Бетти және Лорейнмен, Рэй және бауыры Фреддимен, және немере бауыры Тиммимен танысады. Олардан тек Тимми ғана мектеп оқыған. Қалғандары психикалық жағдайлары мен денсаулықтарына байланысты мектеп оқымаған. Рэй тіпті сөйлей алмайды, ол тек үріп қана тілдеседі. Бір қызығы отбасындағылар оның үргенін түсінеді. Тексерілуден олар дұрыс өтпейді, сол үшін де оларда қанша ауру барын айту қиынға соғады. Лайтаның анықтауы бойынша олардың бұлай қан араластыруы өткен ғасырдың басында егіздер Генри мен Джоннан басталған. Генридің 6 баласы болған, ал Джонның 9 баласы болды. Генридің бір ұлы мен Джонның бір қызы үйленеді. 1937 жылдан бастап олар 15 баланы дүниеге әкеледі. 15 баланың көпшілігі туғаннан генетикалық ауру болды. Дені сау балалары уақыт өте келе өздерінің балаларын дүниеге әкеледі. Сол ұрпақтарының бірі осы Уитакерлер отбасы.