ӨЛМЕЙТІН АДАМ БОЛҒАН ЕКЕН. Мирин Дажоның сұмдық өмірі.

  / allsabr     / solkezder   Адам өмірі үшін қан ауадай қажет. Қандай да бір апатты жағдайда адам денесі көп қан жоғалтып өмір мен өлім арасында күресіп жатқанын естіген боларсыздар. Адам денесіне пышақ кірсе қансырап өліп қалуы мүмкін. Бірақ, әлемде "адам анатомиясының" бүкіл заңдарын жоққа шығара алатын бір кісі болған екен. Ол адам денесінің біз күтпеген көптеген жасырын мүмкіндіктері бар екенін дәлелдегісі келді. Таныс болыңыздар, Мирин Дажо! Бұл кісіні пышақпен кескілеу мүмкін емес. Мирин Дажо өткен ғасырдың ең жұмбақ адамдарының бірі болған. Әлем мойындаған сиқыршылардың қасында бұл кісі әрдайым ерекшеленіп тұратын. Өйткені Мирин Дажоның организмі табиғат заңдылықтарына бағынбайтын тылсым күшке ие болатын. Оған пышақ немесе сол секілді өткір темірлер ешқандай зиян келтірмейтін. Бұған сену өте қиын. Бірақ оның денесін күніне кемінде 50 рет тесетін. Тіпті 100 ретке жететін күндер болған. Өткір қылыштар мен сымдар оның жүрегін, өкпесін кейде бірнеше мүшесін бір мезетте тесіп өтетін. Бірақ, денесінен қан шықпайтын. Одан да үлкен эффект үшін темірлерге у жағып, кейде тат басқан күйінде денесіне сұғатын. Тіпті, халыққа мұның бәрінің жалған емес екенін дәлелдеу үшін Дажоны 8 мм-лік 3 трубкамен тесіп, трубкалар арқылы су өткізген. Дажо өнер көрсеткен кезде көрермен әртүрлі әсерге бөленіп, кейбіреулер үрейленіп, қорқатын. Көпшілік есінен танып қалатын.