ОНЫҢ ІШІНЕ 24 ЖЫН КІРГЕН. Билли Миллиганның тылсым оқиғасы.

  / allsabr     / solkezder   Билли Миллиганның тұлғалары: Билли — Уильям Стэнли Миллиган, дененің иесі, суицид жасауға бейім. Артур Смит — 22 жаста, ағылшын, білімді жігіт. Медицина ғылымын жақсы біледі. Өзі Араб және суахили тілдерін меңгерген. Логикасы мен ізденісінің арқасында денеде жалғыз емес екенін түсінген, Рейдженмен қоса басқа да тұлғаларды ашқан осы жігіт. Рейдженмен бірігіп денеге жауапты болған. Барлық тұлғалар үшін өзін-өзі ұстау үшін ереже жасаған Атеист. Көзілдірік тағады. Рейджен Вадасковинич — югослав, 23 жаста, ағылшынша славяндық акцентпен сөйлейді, сербохорваттық тілде сөйлеп, сол тілде жазады. Дальтоник, сол үшін монохромдық картиналар салады. Коммунист, қару-жарақтарды жақсы түсінеді, физикалық формаға жауапты. Тым жоғары күшке ие. Жаны нәзік, әйелдер мен балалардың қиын жағдайда екенін көрсе міндетті түрде көмектеседі. Салмағы 95 кг. Аллен — 18 жаста, алаяқ, манипулятор, жақсы сөйлей алады. Агностик. Портреттер салады, барабанда ойнайды. Жалғыз оңақай, және темекі шегетін жалғыз тұлға. Салмағы 75 кг. Томми — 16 жаста. Оны көбіне Алленмен шатастырып алады. Электрониканы және құлыптарды өздігінен зерттеп, үйреніп алған. Кісендерден оңай босап кете алады. Саксафонда ойнайды, пейзаж салады. Дэнни — 14 жаста, адамдардан қорқады, әсіресе еркектерден. Натюрморттар ғана салады, өйткені жерден қорқады — бір кездері Челмер оған жерді қалдырып, өзін көмген. Дэвид — 8 жаста, «ауруды сақтаушы». Ол дененің бір жері ауырғанда ғана жарыққа шығады. Кристин — 3 жастағы ағылшын қызы, Биллидің ең бірінші пайда болған тұлғасы. «Бұрыш баласы» — Билли қателік жасап мектепте не үйде бұрышта тұратын кезде жарыққа Кристин шығатын болған. Ол дислексиядан зардап шегеді, бірақ Артур оған оқып, жазып үйретіп жүр. Барлық тұлғалардың жақсы көретін тұлғасы. Кристофер — Кристиннің ағасы, 13 жаста, гармоникада ойнайды. Адалана — 19 жаста, лесбиан. Тамақ дайындайды, өлеңдер жазады. Денені басқаруға тыйым салынған тұлғалар: Фил — 20 жаста, Бруклиндік жігіт. Бұзақы, наркотик сатқан, қарулы қақтығыстарға қатысқан. Кевин — 20 жаста, Филдің досы, бұзақы. Клиникада пациенттерді ұрған санитарларға қарсы шыққаны үшін Артур оны тыйым салынған тұлғалардың қатарынан шығарған. Уолтер Миллиган — 22 жаста, австралиялық, аңшылықты жақсы көреді. Тура жол табу керек кезде денені басқарады. Орманда қарғаларды өлтірген соң, жабайылығы үшін Артур оны тыйым салынған тұлғалар қатарына енгізген. Эйприл — 19 жаста, Челмерді өлтіруді қалайды. Рейдженді соған көндіргені үшін Артур оны тыйым салынған тұлғалар қатарына кіргізді. Самуэль — 18 жасиа, еврей. Аллен мен Тоннидің картиналарын сатып жібергені үшін Артур оны тыйым салынған тұлғалардың тізіміне енгізген. Соңынан Артур эмоцияға беріліп, асығыс шешім қабылдағанын мойындап, тізімнен шығарған. Жалғыз діни тұлға. Марк — 16 жаста. Ол мүлде ештеңе істемейді, сол үшін оны "зомби" дейді. Ли — 20 жаста, әзілқой. Ливандық түрмеде денені басқара бастаған, сол кезде оның әзілдері шектен шығып, денеге қатер төндірген соң тыйым салынғандар қатарына енді. Осыдан соң денеден мүлде жоғалып кетті. Стив — 21 жаста, пародист, түрмеде Ли қуылған соң денеге ие болды, адамдарды күлдіре алады. Түрмеде соққыға әзілдеп жалғыздық камерасына жіберілді. Содан кейін тыйым салынғандар тізіміне енді. Джейсон — 13 жаста. Бобби (Роберт) — 17 жаста, қияли. Актер болғысы келді, саяхаттағысы келді, бірақ ештеңе істегісі келмейтін. Түрмеде аштық жариялады, сол үшін тізімге енді. Шон — 4 жаста, құлағы естімейді, дамуы тежелген. Кішкентай кезде Биллиге айғайлағанда денені басқаратын. Мартин — 19 жаста, Нью-Йорктік мақтаншақ. Тимоти — 15 жаста, гүл сататын дүкенде жұмыс жасаған. Гомосексуалистпен жақындасқаны үшін тізімге енген.