Арал жұртшылығы ұлық мерекені тойлады

#qyzylordatv #қызылорда #news #жаңалықтар #Nauryznama2025 #Nauryz #жаңаруайы Арал жұртшылығы да жыл басы наурыз мерекесін тойлады. Ұлыстың ұлы күнінде орталық алаңға жиналған көпшілік салт-дәстүрді жаңғыртып, ұлық мейрамды дүркіретіп атап өтті. Теңізді өлкедегі думанды тойға облыс әкімі қатысып, айдынды өлке тұрғындарын Әз-Наурызбен құттықтады. Табиғат қайта түлеп, тіршілік жанданатын жаңару айында бір-бірінен амандық-саулық сұрап, төс қағыстырып қауышу қазақ даласында ежелден бар дәстүр. Ұлы тойды қазыналы қарттар ұмыт қалған жөн-жоралғыларды жаңғыртудан бастады. Орталық алаңға 13 ақшаңқан үй тігіліп, қазақтың салт-дәстүрі, әдет-ғұрпы насихатталды. Ал, Наурыз мерекесінің тарихынан сыр шертетін сахналық қойылым салтанатты шараның шымылдығын түрді. Мерекелік іс-шараға арнайы қатысқан аймақ басшысы этно ауылды аралап, жиылған жұртты мерекемен құттықтады. Мерейлі сәтте өлкенің өркендеуіне үлес қосып жүрген бір топ жұмысшы маман аймақ басшысының алғыс хатымен марапатталды. Сыйға бөленгендердің бірі қорықшы Рүстем Алдамжаров. Ол «Барсакелмес» мемлекеттік қорығында қызыл кітапқа енген аң-құсты қызғыштай қориды. Мерекелік іс-шарада көптің қызыға тамашалағаны балықшылар музейінің көшпелі көрмсесі болды. Онда балықшылар мәдениетін айқындайтын 50-дей экспонат орналастырылған. Ұлт аспаптары оркестрі қазақтың алты уызын керемет орындап, мың бұралған бишілер тұрғындарды тамсандырды. Жастар жағы алтыбақан теуіп, мәре-сәре күй кешті. МАҚСАТ КӘРІБАЙ – ТІЛШІ – Халықтық мереке айдынды Аралда айрықша көрініс тапты. Теңізді өлке тұрғындары ұйымшылдықпен, татулықпен, бірлікпен, шад-шадыман көңіл-күймен Әз-Наурызды тойлады. Думанды іс-шара әрі қарай жергілікті өнерпаздардың гала концертіне ұласты. Сайт -
Facebook -   / qyzylordatv   Instagram -   / qyzylordatv   Telegram -
Tiktok -  / qyzylorda_tv