Төрт сотталушыға қатысты сот үкімі шықты

#qyzylordatv Қызылорда облысының қылмыстық істер жөніндегі мамандандырылған ауданаралық сотында екі адамды қасақана өлтірген төрт сотталушыға қатысты үкім шықты. Оқиға осыдан екі жыл бұрын орын алған болатын. Үкім неге енді шығып отыр? Істің фабуласы қандай? Бұл туралы тілші бейнематериалында толығырақ Бұл қылмыстық оқиға осыдан екі жыл бұрын, дәлірек айтқанда 2023 жылдың 11 қазан күні орын алған болатын. Кіші Арал маңында кезіккен жергілікті азаматтар балық аулау барысында спирттік ішімдік ішіп, оның аяғы бір-бірімен жанжалдасып қалған. Жәбірленген екі адам туралы біраз уақытқа дейін ешкім ештеңе білмеді, тіпті олар хабар-ошарсыз кеттілердің қатарында саналып келді. Тек тергеушілердің тиянақты әрі әрбір детальға маңыз беруінен кейін ғана оқиғаның мән-жайы белгілі болды. Іс түпкілікті тексеріліп сотқа биыл мамыр айында жолданған. Аталған қылмыстық істі алқабилер қарады. Айта кету керек, қылмыс жасаған төртеудің ішінде бұрын тәртіп сақшысы болған адам да бар. Осылайша 4 сотталушының үшеуіне 18 жыл, біреуіне 19 жылға бас бостандығынан айыру жазасы тағайындалды. Сот үкімі әлі заңды күшіне енген жоқ. Сайт -
Facebook -   / qyzylordatv   Instagram -   / qyzylordatv   Telegram -
Tiktok -  / qyzylorda_tv