135 отбасы баспаналы болды

Ұлыстың ұлы күнінде қызылордалық 135 отбасы баспаналы болды. Қоныс иелерін аймақ басшысы Нұрлыбек Нәлібаев құттықтап, салтанатты түрде пәтер кілтін табыстады. Баспана бақыты бұйырған жандардың қуанышына тілшіміз Елдос Асан куә болды. Титов - шаһардың шет аймағындағы шағын ауданның бірі. Бүгін осындағы 135 отбасы баспаналы болды. Үйі апатты деп танылған жандар жаңа жылды жаңа қоныста қарсы алып отыр Аймақ басшысы тұрғындардың қуанышына ортақтасып, тұрғын үймен қамту бағытында атқарылатын жұмыстарға тоқталды. НҰРЛЫБЕК НӘЛІБАЕВ – ОБЛЫС ӘКІМІ / Биыл халықты баспанамен қамту үшін 292 пәтер сатып алуға қазіргі таңда 3 млрд. 800 млн.теңге бөлінді. Қосымша тағы да 330 пәтер сатып алуға 50 млрд.теңге қаржы сұратуға өтінім берілді. Өткен аптада амал мерекесі қарсаңында Жаппасбай батыр көшесіндегі мөлтек ауданда 60 пәтерлі тұрғын үй ел игілігіне табысталды. Бүгін тұрғын үйлері апатты деп танылған 135 отбасыға жаңа пәтерлер табысталуда. Нұрзахан Пірмахановтің шаңырақ көтергеніне биыл 5-ші жыл. Ұлыстың ұлы күнінде 3 бөлмелі пәтердің иесі атанып, зор қуанышқа кенеліп отыр. Ұлыстың ұлы күнін қазақтың салт-дәстүрінсіз елестету әсте мүмкін емес. Көпқабатты тұрғын үйдің ауласына киіз үй тігіліп, этно ауылға айналды. Үлкендер жастарға асық атуды үйретіп, балалар бес асық ойнап, мәре-сәре болды. Сайт -
Facebook -   / qyzylordatv   Instagram -   / qyzylordatv   Telegram -
Tiktok -  / qyzylorda_tv