Бәрі қызды өз жігітінің құрбаны болды деп ойлады. ПОЛИЦИЯ АДАМ ӨМІРІН ҚҰРТА ЖАЗДАҒАН.

  / allsabr     / solkezder   Оқиға 2015 жылдың наурызының 23-ші жұлдызында басталды. Сол күні Калифорния штатының, Вальехо қаласының полициясына Аарон Куин есімді ер адамнан телефон қоңырауы келіп түсті. Ер адам осы түнде оның жұбы Деннис Хаскинстың жоғалып кеткенін хабарлаған. Нақтырақ айтқанда, түнде мынандай жағдай орын алған. Деннис пен Аарон түнгі 1-лер шамасында ұйқыға жатқан. Түнгі 3-тер шамасында Аарон бейтаныс дауыстарды естіген. Ол мұны түсі деп ойлаған. Бірақ, дауыстар әр қарай естіле берген. Аарон көзін ашқанда өзіне бағытталған жарықшамды байқаған. Сол кезде біреудің “ояныңдар, бұл тонау” дегені естілген. Ұрылар алдымен Денниске Ааронның қолдарын байлауды бұйырған. Артынан өзінің де қолдарын байлап қойған. Артынша екеуіне де қара лентамен жабылған жүзуге арналған көзілдіріктер таққан. Солайша Аарон мен Деннис ештеңе көрмей қалған. Бірақ, Аарон ұрылардың бірі гидрокостюмде болғанын байқап қалған. Артынша екеуін екі бөлмеге алып кеткен. Аарон Деннисьің дауыстарының шыққанына қарағанда оны гардеробқа апарған деп болжамдады. Ал, оның өзіне келсек оны жуынатын бөлмеге апарған. Бірер минуттай ол жалғыз қалған, артынан ұрылардың бірі келіп Ааронға біртүрлі сұрақ қойған. Деннис оның бұрынғы қызына ұқсай ма деп сұраған. Аарон иә, ұқсастықтары бар, екеуінің де шаштары ұзын, әрі ашық түсті деп жауап берген. Сол уақытта “қарғыс атқыр, біз қате ақпарат алдық” деген дауыс естілген. Шынымен де, Деннистен бұрын Аарон басқа қызбен ара қатынаста болған. Олар тіпті атастырылып қойылған еді. Бірақ, Аарон ол қыздың өзінің көзіне шөп салып жүргенін біліп қойып, ара қатынастарын тоқтатқан. Ол қыз ұзақ уақыт Ааронның үйінде өмір сүрген болатын. Соңғы заттарын алып кеткеніне де көп болмаған. Ұрылар үйге сол қызға бола келгенге ұқсайды. Өкінішке орай ол қыздың орнында Деннис болып шықты. Аарон енді ұрылар өздерін жайына қалдырады деп ойлады. Бірақ олай болмай шықты. Ұрылар Деннисті 48 сағатқа алып кететінін хабарлады. Бұл уақыттың ішінде Аарон бірнеше бұйрықты орындауы керек екен. Артынша олар Ааронды қонақ бөлмеге алып барып, диванға жатқызады. Ааронға құлаққап тағып, дыбыстық хабарлама қосып қояды. Бұл хабарламада Ааронға бірнеше таблетка ішесің делінген, егер бас тартатын болса екпе түріндегі дәрі саламыз деген. Аарон таблеткаларды қабылдауға мәжбүр болады. Артынша Ааронға олар кеткен кезде еденде қызыл лента жабыстырылып тұратынын айтқан. Ааронға бұл лентадан өтуге тыйым салынған. Және үйде Ааронды бақылап отыратын камера орнатылғаны айтылған. Полиция туралы мүлде ойламауды ескертеді. Таблеткаларды ішкен Аарон ұйқыға кетіп, шамамен күндізгі 12-жарымдарда оянады. Жанына қайшы тауып алады. Сол қайшымен аяқ қолдарын босатады. Үйден өзінің ноутбугы мен көлігінің жоғалып кеткені белгілі болады. Ең сорақысы оның жұбы Деннис жоғалды. Артынан Аарон өзінің телефонына келген ұрылардың хабарламасын оқиды. Ол жерде Ааронның 16мың доллар ақша төлеуі керек екені айтылған. Сонда ғана ол Деннисті құтқара алады делінген. Ұрылармен байланысқа шыға алмаған ол ағасына хабарласады. Өйткені Ааронның ағасы ФБР де жұмыс істейтін еді. Ағасы Ааронға полицияға хабарласуға кеңес береді. Аарон ағасының тілін алып, полицияға жүгінеді. Келіп жеткен полициялар алдымен камераны істен шығарады. Артынша Аарон полиция бөлімшесіне жеткізіледі. Жоғарыда айтылған ақпараттың бәрі Ааронның полицияға берген түсініктемесінен еді.