Текст песни: 1 Лезги чилин шуьрбет ширин булахар, Муьгьуьббатдин пияладин яд яни? Жейранрин луж къекъвей къацу яйлахар, Гуьзелвилиз куьн дуьньядал сад яни? Лезгистан, вун зи руьгь я, вун зи тан! Лезгистан, вун зи рикI я, вун зи чан! Тикрарбенд: Лезгистанда руьгь ава зи. Лезги чилел рикI ала зи. Муьгьуьббатдин гьайбат авай Лезгистандал чиг ала зи. Лезги чилел рикI ала зи. Чанни гуниз нубат авай. 2 Дагълар кьакьан, аршда кукIвар гимишдин, Гегьенш никIер, багълар гьар са емишдин, Гуьрчег рушар авай къветрен еришдин Мидаимда авайди ви ад яни? Лезгистан, эхь, зун вал гуржлу я! Лезгистан, рухваяр ваз буржлу я! 3 ЧIехи дуьнья аквазвай ви вилерай, АцIанва вун дуствал кIани эллерай, Хъвайи цинни, къачур фан ви гъилерай Къвезвайди чаз дидед некIед дад яни? Лезгистан, вун зи руьгь я, вун зи тан! Лезгистан, вун зи рикI я, вун зи чан! ЧIалар - Сажидин_Саидгьасанова, гьава - Кахриман Ибрагимова #лезгияр #лезгины #лезгиманияр
