Текст песни: 1 Хайи халкьдин рикIин терез мизан я, Адан гьахъвал, адан дуьзвал шаксуз я. Гьа терезди алцумзава инсанвал, Гьар бендедин, уьмуьрдин рехъ атIузвай. Ви камалдин къизил тварар даим яз ЧкIанва чи рикIерин генг мезрейриз. Чи кIвал, чи югъ, чи чIал валди къадим я . Рехъ къалурдай гъед я вун ви невейриз. Тикрарбенд: Лезги чилин ягь-виждандин, Намусдин вун уьлчме хьанва, Шаир СтIал Сулейман! Чи рикIера баркавандиз Бегьерлу ва сечме хьанва Ви гьар са чIал, Сулейман. Сулейман, Сулейман, СтIал Сулейман! Сулейман, Сулейман, шаир Сулейман! 2 Авуддач ви бармак чна вилериз, Лезги чилел хуьда садвал гьамиша. Руг кьаз тадач ви чуьнгуьрдин симерив, Туьхуьдач экв элдиз вуна багъишай. Хайи халкьдин рикIин терез мизан я, Адан гьахъвал, адан дуьзвал шаксуз я. А терездиз чешне тир вун инсан я, Вун галачир югъ чIимел я, бахтсуз я. ЧIалар Арбен Къардашан, гьава Кьагьриман Ибрагьимован Состав Ансамбля гр. Рухун Кахриман Шахламазов (клавишник 1991-2016). Фарид Шихметов (солист с 1991 по н. в). Джамиля Шабанова (солистка с 2000 по 2021). Бадирхан Муртузалиев ( Барабан с 1991 по н. в). Абдулгашим Гаджиев (кларнет с 1991 по н. в). #лезгияр #лезгины #лезгиманияр
