ФУТБОЛДАН ҚЫЗДАР ТУРНИРІ | АҚШҰҚЫР МЕКТЕП-ЛИЦЕЙІНЕ 10 ЖЫЛ

Ақшұқыр мектеп-лицейінің 10 жылдық мерейтойына орай облыстық білім беру ұйымдары арасында шағын футболдан қыздар турнирі ұйымдастырылды. Бұл іс-шара мерейтой аясындағы маңызды оқиғалардың бірі болды және өңірдегі спорттық ынтымақтастық пен дене тәрбиесін дамытуға ерекше үлес қосты. Турнирді салтанатты түрде ашу рәсімінде Маңғыстау аймақтық дене тәрбиесі орталығының басшысы Әли Кабаков құттықтау сөз сөйлеп, қатысушыларға сәттілік тіледі. Шараға өңіріміздің іріктелген ең мықты футбол командалары қатысып, жарыстың деңгейін жоғары деңгейде көрсетті. Турнирдің алғашқы кезеңі жеребе тартудан басталып, командалар топтарға бөлінді. Топтық кезеңде барлық командалар өзара бақ сынасып, үздік ойын өрнектерін көрсетті. Іріктеу нәтижесінде мықтылар анықталып, жарыстың финалдық кезеңіне жолдама алды. Финалдық ойындарда командалар жігер мен шеберлікті ұштастыра отырып, тартысты ойындар көрсетті. Жарыс қорытындысы бойынша жүлделі орындарға төмендегі командалар ие болды: І орын – Ақшұқыр мектеп-лицейінің негізгі құрамы ІІ орын – Ақшұқыр мектеп-лицейінің қосалқы құрамы ІІІ орын – Жаңаөзен қаласындағы Қызылсай балалар-жасөспірімдер спорт мектебінің командасы ІҮ орын – Мұнайлы ауданының №4 және №9 мектептері құрамасы Бұл турнир Ақшұқыр мектеп-лицейінің мерейтойына орай ұйымдастырылған спорттық шара ретінде ғана емес, өңірлік деңгейде футболды дамыту мен жас спортшыларды қолдау бағытындағы маңызды қадам болды. Шара жасөспірімдер арасында салауатты өмір салтын насихаттаумен қатар, олардың спорттық шеберлігін арттыруға, тәжірибе алмасуға үлкен мүмкіндік берді.