"Cаналы ғұмыры, сара жол..." мерекелік концерті / 60 жас мерейтой

Ақшұқыр мектеп-лицейінің ардагер ұстаздары Жаңғожаева Мәзімхан Аралбайқызы мен Ешманова Жұлдыз Жұмабекқызының 60 жас мерейтойына арналған «Саналы ғұмыр, сара жол» атты салтанатты кеш өтті. Кеш барысында мерейтой иелерінің ұзақ жылдар бойы бірге еңбек еткен бұрынғы жұмыстастары, әріптестері, туған-туыстары жиналып, жүрекжарды лебіздерін білдірді. Ұстаздық жолда мол тәжірибе жинаған қос ардагердің еңбегі ерекше атап өтіліп, олар туралы жылы естеліктер мен алғыс сөздер айтылды. Мерекелік шара барысында Түпқараған ауданы білім бөлімінің басшысы, Ақшұқыр ауылы әкімінің орынбасары, Түпқараған ауданы ББҰ басшылары қатысып, ардагер ұстаздарға құрмет көрсетіп, ыстық ықыластарын жеткізді. Салтанатты кеште әсем ән шырқалып, жүрекке жылы тиер жырдан шашу шашылды. Ұстаздарға деген шәкірттердің, әріптестерінің ақ тілек, жылы лебіздері ерекше әсер сыйлады. Қос мерейтой иесіне Білім басқармасының Құрмет грамотасы мен Aлғыс хаты табысталды. Сонымен қатар, Ақшұқыр мектеп-лицейінің ұжымы атынан құттықтау хат пен қазақы дәстүрге сай иықтарына шапан жабылды. Кештің әр сәті ұстаздарға деген шынайы құрмет пен алғыстың айғағы болып, олардың мектепке, шәкірттерге сіңірген еңбектерінің ұмытылмас із қалдырғанын көрсетті.