Алматы облыстық көпсалалы клиникалық ауруханада мамандар саны қысқарып, дәрігер жетіспейді деп тұрғындар дабыл қақты. Олар ауруханаға таңда келсек, кеш батқанша ем қабылдай алмаймыз деп ашулы. Бұл тұста Алматы облыстық клиникалық ауруханасының басшылығы қызметтен кетіп жатқандар барын растайды. Бірақ олар өз еркімен кетті дейді. Ал редакцияға хабарласқан тұрғындардың талабы мен ондағы дәрігерлердің ойын тыңдауға барған тілшімізге мекеме күзеті күш көрсетек болған. Өздерін қызуқанды ұстайтын аурухана күзетшілері камераның бетін жабуға тырысқанымен, ондағы науқастар мен қызметкерлердің аузына қақпақ бола алмады. Облыстық ауруханадағы кадр санының жетіспейтіндігі мен жалақыларының аздығын да мұндағылар айтып қалды. Бұл облыстық аурухана болғандықтан алыс-жақын жерден келетін науқастар саны өте көп дейді келушілер. Кейде қаралушылар палатаға сыймай дәлізге дейін шығып кетеді деп отыр. Көпшілікті күттірген кезек мәселесі де осы кадр санының аздығына тірелетінін айтады. РАЯ АТАХАНОВА, Алматы облыстық клиникалық ауруханасының санитар қызметкері: – Сегіз сағат жұмыс істеймін осы жерде есек құсап. Қасыма еш болмаса санитарка көмекші бер десем бермейді. Небір жақсы врачтар кетіп жатыр. Соған ішіміз ашиды. Көпсалалы клиникалық аурухана басшылығы науқастардың шағымын жоққа шығарып отыр. Осы жылы бізде керісінше штат саны көбейіп 221 дәрігерден 229 ға көбейіп, орта білікті медицина қызметкерінің саны 12 кадрге дейін артты дейді. МАРИЯ СЕРІКҚЫЗЫ, Алматы облыстық клиникалық ауруханасының емдеу бөлімі басшысының орынбасары: – Еркімен кететін дәрігерлер еркімен кетіп жатыр қазір солай ғой. Мен ондай потокты көріп тұрған жоқпын, ондай қысқартуды көріп тұрған жоқпын. Өзім осы жерде отыз жыл жұмыс істеймін. ТИМУР ӨТЕГЕНҰЛЫ, Алматы облыстық клиникалық ауруханасының жансақтау бөлімінің меңгерушісі: – Жансақтау бөлімінен жұмыстан шығып кететін врачтар бар. Бес адам кетті шығып. Қазір адамдардың бәрін алдық. Жұмыс істеп жатыр. Сонымен қатар, аурухана басшылығы тұрғындардың арыз-шағымын тыңдау үшін арнайы департамент те құрылғанын айтты. Әлібек Шынтемір, Ринат Абулхайыров Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #аурухана #дәрігерлер_тапшылығы
