Бір ай бойы диагноз қойылмаған бір жастағы бала, жансақтау бөлімінде көз жұмды
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Ақтауда жалғыз ұлынан айырылған ата-ана дәрігерлерді қылмыстық жауапкершілікке тартылуын талап етеді. Өйткені бір жасар Абдулланың қазасына ақ халаттылардың жұмысына салғырт қарауы себеп дейді шағымданушылар. Айтуларынша, медицина мамандары бір ай бойы дене қызуы түспей қойған кішкентай бүлдіршінге диагноз қоя алмаған. Соның кесірінен баламыздың жағдайы күрт нашарлап, жансақтау бөлімінде көз жұмды деп отыр. Бұл кішкентай Абдулланың соңғы суреттері. Ауруханада жатып, өмірі үшін арпалысқан сәті. Бірақ бір жасар бүлдіршін жағдайы нашарлап, жансақтау бөлімінде көз жұмған. Ал Ермек Нұрбаев жалғыз ұлының қазасына ақ халаттыларды кінәлайды. Себебі, дене қызуы 39 градусқа көтеріліп барғанда дәрігерлер бірден қабылдамады дейді жігіт ағасы. ЕРМЕК НҰРБАЕВ, Абдулланың әкесі: – Біз скорыймен үш рет бардық, қателеспесем. Үшеуінде де қабылдамады. Төртіншісінде барған кезде 18-інде уже қабылдады бізді. Больницаға жатқызды. 6 күн өткеннен кейін балаға пневмония деп қойды диагнозды. Бауыр еті баласын жер қойнына тапсырып, жаны қиналған әке жергілікті мамандардың жұмысына көңілі толмайды. Жағдайы қиындап, қаны азайған ұлыyf дұрыс диагноз қойылмай, тиісті медициналық көмек көрсетілмегеніне сенімді. ЕРМЕК НҰРБАЕВ, Абдулланың әкесі: – Баланың гемоглабині 70-ке түсіп кеткен, оны білмейді емдеуші врачы да, барлығы да. Емдеуші врачына да айттық мынаның қаны түсіп кеткен 70-ке, 60-қа түсіп кетсе баланың өмірі қалай болады деп, қан құймайсыздар ма деп. Содан кейін барып «аа біз білмедік» дейді. Манағы контрольге алдық, бақылауға алдық деген сөздері далада қалған. Контрольге алынбаған значит. Қара жамылған отбасының ақ халаттылардың жазалануын талап етіп жүргеніне төрт ай болыпты. Бірақ әзірге ешқандай нәтиже жоқ дейді олар. Ал денсаулық сақтау басқармасы өз ісіне салғырт қараған мамандар тәртіптік жазаға тартылды деп отыр. АСҚАР МАХМУТОВ, Маңғыстау облыстық денсаулық сақтау басқармасы басшысының орынбасары: – Баланың сепсис диагнозынан қайтыс болғаны белгілі болды. Медициналық құжаттар дұрыс толтырылмағаны анықталды. Бұл қабылдау бөлімінің қызметкерлерінен кеткен қателік. Жауаптыларға тәртіптік жаза тағайындалды. Құқық қорғау органдарына бүкіл құжат жіберілді. МАХАББАТ НҰРЖАНҚЫЗЫ, тілші: – Қазір полиция "медицина қызметкерінің кәсіптік міндеттерін тиісінше орындамау" бабы бойынша тергеу жүргізіп жатыр. Тәртіп сақшылары тиісті іс-шарадан кейін іс сотқа жолданып, кінәлілерге құқықтық баға берілетінін жеткізді. Ал, жан дегенде жалғыз ұлдарынан қапыда айырылған ата-ана облыстық балалар ауруханасының басшысы мен емдеуші дәрігерлердің қылмыстық жауапкершілікке тартылуын талап етіп отыр. ----------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Біз барлық әлеуметтік желідеміз, тіркеліңіз: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
