Soul Neeson podcast #10 дугаар маань бэлэн боллоо. Энэхүү дугаарт маш сонирхолтой нэгэн зочныг оруулж, өөрийнх нь амьдралын түүхээс сонслоо. Б.Тэгшжаргал нь маш их унаж бүдэрч, асар их зүйлийг хийх гэж оролдож, бардам зангаасаа болж алдаж явсаар олон жилийг ардаа орхисон. Сүүлдээ ч бүр өөрийгөө хэн ч биш хэмээн бодож, хүмүүс түүн рүү харахад хүртэл өөрт нь гутамшигтай санагддаг байсан. Харин энэхүү сэтгэл гутрал, өөрийн амьдралын онцлогоо сүүлдээ ойлгож, яг л өөр шиг нь адилхан олон хүнд туслах зорилготойгоор хоорондоо ярилцдаг Чөлөө төв дөнгөж сая байгуулсан байна. ФБ хаяг нь бичлэг дотор байгаа. Та бүхэн сонирхолтой түүхээс нь сонсож, мөн ихийг ухаарч, өөрсдийнхөө амьдралдыг бодолцоно гэж найдаж байна. Хүн бүр өөр байдаг тул хүн бүрийн амьдралын түүх их сонин. Хүмүүсийн туулж буй зам, ухаарал, ойлголтыг сонсох нь их сонирхолтой надад санагддаг. Манай подкастын бүх зочид нээлттэй, илэн далангүй, цэнзүргүй ярьдаг нь та бүхэнд мөн хэрэгтэй байдаг гэж бодож байна. Аливаа зүйл байгаагаараа үнэн байх шиг сайхан зүйл алга. Хэт их өөрсдийгөө хуурч, маск зүүж өөр хүн болж байгаа энэхүү нийгэмд хэдүүлээ бүгд үнэн байя.
