Маңғыстау облысының Қызан және Ақшымырау ауылының тұрғындары талай жылдан бері жол азабын тартып келеді. Өйткені, екі ауылды ауданмен жалғастыру үшін бюджеттен бақандай 10 миллиард теңге бөлініп, 2014 жылы басталған күре жолдың құрылысы әлі күнге аяқталмаған. Қазір ұзындығы 110 шақырым тораптың 25 шақырымы жөндеу көрмеген. Дегенмен, осы уақытқа дейін жасалған жолдың өзі ойық-шұқырға айналды дейді тұрғындар. МАХАББАТ НҰРЖАНҚЫЗЫ, тілші: — Біз қазір Қызан ауылынан Ақтауға қарай бет алып барамыз. Тас жолға жету үшін 25 шақырымдай жолсызбен жүруге тура келеді. Ауыл тұрғындарының айтуынша, дәл осы біз жүріп келе жатқан жол бірнеше адамның өмірін қиған. Айнала ала шаң болғанда жүргізуші алдындағы көлікті көрмей жол апатына ұшыраған жағдай көп болыпты. МӘЗІМХАН ЖАҚЫПОВА, Ақшымырау ауылының тұрғыны: Әлі біткен жоқ. Ол жолдың қиындығы жаздың күні болса ала шаң. Құдай сақтасын но ақ шаң болады мына бетінен келген машинамен мына бетінен келген машина шаңнан осы авария деген көп болып жатыр. Саламыз саламыз дейді, қайдан білейін қалай салынбай жатқанын, әлі бітпей жатыр. ФАРХАД МҰСАЕВ, қоғам белсендісі: — Асфальтты саламыз деп қарайған техниканы әкеліп қояды, жасалып жатқан жұмыс жоқ. Сыртынан қарағанда тек жасалып жатқан сияқты. Осы жолды көреміз деп көрмей кеткен адамдар қаншама? Осы жол бітеді деп жүргенде біздің өміріміз бітіп кетпесе жарар еді деп кейде ойлаймыз. Ауыл тұрғындары күн сайын аудан орталығына қатынайтындарын айтады. Жаңбыр жауса бұл жер батпаққа айналып, ешқайда шыға алмай қаламыз деп отыр. Аяқталмай тұрған 25 шақырым жолдың құрылысына республикалық бюджеттен 3 миллиард теңге қаражат бөлінген. Жол активтері ұлттық сапа орталығының мамандары Шетпе-Қызан ауылдарын қосатын трасса сапасын биыл 4 рет тексерген. Ашығын айтқанда 4 жыл бұрын жөнделген жолдың бүгінгі сиқы сын көтермейді деп отыр. Ойық пен шұқырға толған сапасыз жолдың кесірінен көліктер де жиі бұзылып қалады екен. АДАЙБЕК ҚАЛИЕВ, Маңғыстау облыстық жолаушылар көлігі және автомобиль жолдары басқармасының басшысы: — 1 миллиард қаржыға 2022 жылға 12 километр жолды асфальттаймыз деп жоспарлап отырмыз. Қазір соның 5 километрі асфальттанды, қалған жұмыстар жүргізіліп жатыр. 13 километрдей Қызан ауылына дейінгі объезд жолды салып қоюды жоспарлап отырмыз. Жалпы бұл жұмыстар 2021 жылы басталды, келесі 2023 жылы Алла қаласа Қызан ауылына дейін жеткізіп, жолды аяқтаймыз деп жоспарлап отырмыз. Шенділер 110 шақырым жол құрылысының 8 жылға созылуына жобаның үш кезең бойынша жасалғаны себеп дейді. Өйкені республикалық бюджеттен қаржы бірден беріле қоймайды деп отыр. Ал сапасыз жолды қайта жөндеу мердігер мекеменің міндетінде деді. . . . . Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар
