СОТ БИЛІГІНДЕГІ МЕМЛЕКЕТТІК ТІЛДІҢ РӨЛІ | ⚖️ «Заң үстемдігі» бағдарламасының қонағы - Досжан Әмір

⚖️ «Заң үстемдігі» бағдарламасының қонағы — Досжан Сарманқұлұлы Әмір, Қазақстан Республикасы Жоғарғы Сотының судьясы, Судьялар одағының төрағасы. Бағдарламада сот жүйесінде мемлекеттік тілдің қолданылуы, судьялардың тілдік дайындығы және болашақ судьялардың тіл білудегі міндеттілігі сияқты өзекті мәселелер талқыланды. Әсіресе мемлекеттік тілдің сот ісін жүргізудегі рөліне ерекше назар аударылды. Досжан Әмір судьялардың мемлекеттік тілді меңгеруі олардың кәсіби біліктілігінің маңызды бөлігі екенін атап өтті. Оның пікірінше, мемлекеттік тілде қызмет көрсету — заңды талап қана емес, сонымен қатар азаматтардың құқықтарын толыққанды қорғаудың кепілі. Судьялар одағының төрағасы болашақ судьяларға қойылатын талаптар қатарында мемлекеттік тілді білу міндеттілігін енгізу қажеттігін атап өтті. Мұндай нақты қадамдар азаматтардың құқықтарын қорғауда туындайтын қиындықтардың алдын алуды көздейді. Толық нұсқасын "Заң үстемдігі" ютуб арнасынан көре аласыздар. ⚖️ «Заң үстемдігі» бағдарламасы. Бағдарлама жүргізушісі – Нұргүл ҚАРАҒОЙШИНА