VIDEO
1282 онд Мөнхтөмөр хааны хоолойнд хорт идээд өрөвсөл гарчээ зарим сурвалжид хүзүүний хатиг хагарч шарханд нь халдвар орж 41 настайдаа тэнгэрт хальжээ. Мөнхтөмөр хаан Өлзий, Абиш, Ножин гэсэн гурван хатантай Алгуй, Бурюк, Сарайбуга, Тогрулж, Малаган, Тудан, Тогтога, Хадаан, Хутаган гэдэг ёсөн хүүтэй байлаа. Мөнхтөмөрийн хөвгүүд хожим хаан ширээний төлөөх тэмцэлд хоёр хэсэг талцан байлдаж биесээ алж хороосон нь харамсалтай. 1282 онд Мөнхтөмөрийн орыг түүний дүү Тудаймөнх залгамжилж Зүчийн улс буюу Алтан Ордны улсын хаан ширээнд заларчээ. Мөнхтөмөр хааныг түүхийн Оросын түүхэн сурвалжууд, мөнхийн дайсан Ил хаант улсын түүхэн сурвалж, Египтийн Мамлюк улсын түүхэн сурвалжуудад сайнаар тэмдэглэн үлдээсэн нь олонтой. Мөнхтөмөр хааныг дайснууд нь ч хүндэтгэн дээдэлдэг байсан бөгөөд Шударга цолт хаан хэмээн сурвалжид бичиж үлдээжээ.
