Аригбөх бол Чингис хааны отгон хүү Тулуй ноён Сорхогтани бэхи хоёрын 4 дүгээр хүү бөгөөд 1219 оны 05 дугаар сард мэндэлжээ. Аригбөхийг Тулуйн бага хүү гэдэг, зарим түүх бичлэгт 7 дугаар хүү хэмээн бичиж үлдээжээ. Аригбөхийн бага, идэр залуу насны талаар маш бага мэдээлэл байдаг. Учир нь ууган ах Мөнхийн дараа хаан ширээний төлөө ах Хубилайтай тэмцэлдсэн учраас Хубилайн удмынхан түүх бичлэгийг бичиж үлдээсэн учраас Аригбөхийн түүхийн алдар гавья бүдгэрэх, санаатай орхигдож бичигдсэн байх магадлалтай. Аригбөхийн талаарх мэдээлэл маш бага түүхийн баримт байдагч тэрээр яах аргаггүй Их Монгол улсын 5 дахь их хаан билээ. Их Монгол улсын их хаадын үечлэл Чингис, Өгэдэй, Гүюг, Мөнх, Аригбөх, Хубилай гэх нь зөв бөгөөд ах Хубилайд ялагдсан хэмээн түүний түүхийг үгүйсгэх орхигдуулж болохгүй ээ.
