Алматыдағы балалар үйіндегі өрт моншада тұтанған

Алматыдағы балалар үйіндегі өрт моншада тұтанған. Бұл туралы мекеменің директоры Әмина Әжібаева айтты. Бөбекжай басшысының сөзінше, қызыл жалын қараусыз қалған пештен шығып, дер кезінде өшірілмегендіктен тарап кеткен. Абырой болғанда балалар бірден өртке оранған ғимараттан шығарылып, қауіпсіз жерге көшірілді. ӘМИНА ӘЖІБАЕВА, балалар үйінің директоры: Жанып кеткен себебі. Бізде сауна болған. Үлкен, әдемі балалар саунасы. Соны кезінде жақсы болсын деп қымбат ағашпен қаптап тастағанмын. Осы жолы балалар ойнап жүріп соған отынды көп салып қойған екен. Көп салғаннан іші күйген де, ішінде қыздарды үлкен тәтелер суға түсіріп жатқан, солар уақытында көрмей қалыпты. Болмаса өшіріп алуға болатын нәрсе еді. Қызыл жалын кешке сағат 4-тер шамасында шыққан. Ғимараттың шатыры түгел жанып, жапсарлас салынған нысан толық өртеніп кеткен. Апаттан кейін балалар үйінің тәрбиеленушілері мен қызметкерлер уақытша шипажайға орналастырылды. Қала әкімдігінің хабарлауынша, панасыз қалған 35 балаға киім-кешек пен азық-түлік берілген. Оқиға орнына Алматы әкімі Дархан Сатыбалды мен қоғамдық кеңес өкілдері, қамқоршылық қызметі де барды. Бүгінде жедел штаб құрылған. Оқу-ағарту министрлігі жағдайды реттелгенше толық бақылауда ұстайтынын хабарлады. Төтенше жағдайлар департаментінің мәліметінше, ешкім зардап шеккен жоқ. #Информбюро #31арна #БастыЖаңалықтар #Новости #31канал