Страшко Стојановски и Виктор Канзуров во дебата за историјата (17.06.2019)

Гости во емисијата „Отворено на Алфа“, на 17 јуни 2019 година беа професорот на штипскиот универзитет „Гоце Делчев“, Страшко Стојановски, инаку претседател на Стратегискиот совет и член на претседателството на Македонската конзервативна партија „Интегра“ и новинарот Виктор Канзуров. Во емисијата, која одеше со мотото: „Ќе нѐ европеизира ли пазарењето за тоа чиј е Гоце Делчев“, тематизирани беа проблемите во односите меѓу Република Бугарија и Република Северна Македонија, како и застојот во работата на Комисијата за историски и образовни прашања, создадена на база на Договорот за пријателство, добрососедство и соработка, склучен претходно од страна на двете земји. Водителка во студиото на скопската ТВ „Алфа“ беше новинарката Искра Коровешовска.