Што ја гуши Преспа?

Мирните бранови на Преспанско Езеро и песната на птиците прават совршена убавина, но зад оваа идилична слика се крие една поинаква приказна. Што ја мачи „заспаната убавица“ Преспа? Во докуметарниот филм ве водиме по бреговите на езерото – од кајчињата на рибарите во Асамати, преку селата без канализација и дивите депонии покрај езерото, до мерната станица во Стење и заштитениот Парк Езерани. Ќе слушнете искрени сведоштва од рибари, мештани и експерти за тоа како нискиот водостој, загадувањето, пестицидите и климатските промени го менуваат животот во Преспа. Приказна за езеро кое преживува, но и за луѓе и екологисти кои веруваат дека природата може да се обнови – ако сите заедно преземеме одговорност. Погледнете го документарецот „Што ја гуши Преспа?“. Институт за комуникациски студии www.iks.edu.mk; info@iks.edu.mk