Ықшамдалған таухид кітабы. 7-бап. Шапағат турасында. Ұстаз: Омар Теміртас

7. Шапағат турасында. Алла Тағала сөзінде: {Айт: «Барлық шапағат Алланыкі»} (Зумәр, 44). Алла Тағала сөзінде: {Оның алдында кім шапағат етер? Бұл тек Оның рұқсатымен ғана болады} (Бақара, 255). Алла Тағала сөзінде: {Аспандарда Қанша періште бар, олардың шапағаты тек Алла қалағаны мен риза болғанына рұқсат етпейінше еш нәрсеге жарамайды} (Нәжім, 26). Алла Тағала сөзінде: {Айт: «Алладан өзге ұйғарғандарыңа дұғамен жалбарына беріңдер, олар көктерде де, жерде де бір тозаң салмағына да иелік етпейді. Олар үшін көктер мен жерде серік жоқ және Ол (Алла) үшін олардан ешбір көмекші жоқ. Әрі Оның алдында тек қана Оның Өзі рұқсат бергендерге ғана шапағат пайда береді} (Саба, 22-23). Әбу Һурайра (р.а.) пайғамбарға صلى الله عليه وسلم» : Шапағатыңа ие болатын адамдардың ең бақыттысы кім болады?», - деп сұрақ қойды. Сонда пайғамбар صلى الله عليه وسلم» : Шын жүрекпен “Лә́ илә́һа иллә Алла1 ” деп айтқан адам», - деді. Әбу Аббас (р.) былай деп айтқан: «Алла Тағала ықлас (таухид) иелеріне шарапатын төгіп, олардың күнәларын шапағат етуге рұқсат еткен адамның дұғасы арқылы кешіреді, және сол арқылы шапағат етуші адамды (пайғамбарымызды) мақтаулы дәрежеге көтеріп, оны құрметті етеді. Сондықтан Құран ширк аралас шапағаттың түрін жоққа шығарды. Осы себептен Алла Тағала шапағаттың тек Өзінің ғана рұқсатымен болатынын бірнеше аяттарда бекіткен. Және пайғамбар да صلى الله عليه وسلم өз сөзінде шапағаттың тек Алланың бірлігін таныған ықлас иелеріне тиетінін анық баяндаған».