Талдықорған мен Өскемен арасындағы трасса ақылы болады
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Талдықорған мен Өскемен арасындағы трасса ақылы болады. Көлік министрлігі бұл шара кезең-кезеңімен жүзеге асатынын айтады. Құрылысы бес жылдан бері жүргізіліп жатқан күре жол әлі толық аяқталмаған. Ал жүргізушілер транзиттік дәліздің көп бөлігі екі жолақты екеніне наразы. Тас жолда жүк көліктері үзілмейді. Оны айналып өтеміз деген машиналар жол апатына жиі түседі. Сондықтан жолдың ақылы болатынына көлік иелері үзілді-кесілді қарсы. Қызы-жазы көлік үзілмейтін Талдықорған-Өскемен күре жолы әлі аяқталмаған. Республикалық маңызы бар трасса құрылысының сағызша созылғанына бес жылға жуықтады. Оған қоса жүргізушілер жол тақтайдай тегіс болғанымен, өте тар екенін айтады. Соның кесірінен жол апаты да жиілепті. РУСЛАН БАЙЖАНБАЕВ, жүргізуші: – Қатар-қатар 5 фура жүреді. Одан обгонға шығамын дейді. Үлгере алмайды да, авария көп болады. Үлкен трасса болу керек еді. Білмеймін неге екі полоса жасап қойды. Еще оның өзі тар. Қыстың күні тем более қиын. Расыменде, бұл берісі Алакөл, арысы Ресейге қатынайтын транзиттік дәліз. Сондықтан жүк көліктері күні-түні ағылып жатады. "Қазавтожол" компаниясының өкілдері тас жол биыл толық пайдалануға беріледі деп сендірді. Қазір жол белгілері қойылып, сервисті дамыту жұмыстары қолға алыныпты. Тәулік бойы істейтін дүкен, дәретхана салынып, кәсіпкерлерге берілген. НҰРХАТ АҚЫЛТАЕВ, «ҚАЗАВТОЖОЛ» ҰК Жетісу облыстық филиалының директоры: – Жаз мезгілінде Алакөл және Балқаш көлдеріне баратын туристердің өзі жүрген уақыттың өзінде автомобиль саны 5000-ға жетпейді тәулігіне. Сол себепті әлі де бірінші категориялы 4 жолақты жолға тартпайды. 2 ай ғана купальный сезон болады. Туристердің қатынауы ұлғаятын мерзім. Жауапты министрліктің мамандары республикалық маңызы бар жол ақылы болатынын жеткізді. Әзірге қанша шақырымы, қай уақыт үшін жүргізушілердің ақша төлейтіні белгісіз. Ал көлік иелері бұған түбегейлі қарсы. АСХАТ САДЫҚОВ, жүргізуші: – Жолдың платный болғанына қарсымыз. Дұрыс емес ол. Қалай бала-шағамызды асыраймыз деп жүргенде. Онсыз да ДТП көп. Нарушение көп. Узкая дорога, дұрыстап жасасын ең бірінші жолды. Условие пусть создадут, соның барып төлеуге болады. Бүгінде елімізде 3 мың шақырымдай жол ақылы екен. "Қазавтожол" кассаға құйылып жатқан ақшаны жол күтіміне жұмсаймыз деп талай мәрте айтқан болатын. Алайда жүргізушілер дәл осы ақылы жолға қыста уақытылы құм себілмей, көктайғақ болып жататынына жиі шағымданады. ------------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Біз барлық әлеуметтік желідеміз, тіркеліңіз: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
