Премиерот најавува „наши луѓе" за шефови во правосудството

Во неколкуте јавни настапи по повод 100 дена од работата на новата Влада, премиерот Христијан Мицкоски јасно кажа дека му истекува времето на актуелниот државен јавен обвинител Љупчо Коцевски да покаже резултати. Ако тие резултати не се случат согласно очекувањата на премиерот, Мицкоски најави дека ќе предложи „наши луѓе“ за сите позиции во правосудството, практично израмнувајќи го поставувањето на нов јавен обвинител со поставување на партиски функционер во т.н. прв ешалон Некои од проблематичните точки во таквиот став се што државниот јавен обвинител не може да се разреши туку-така, по желба на премиерот, без за такво нешто основа да утврди Советот на јавни обвинители. А партиското членство на судиите и обвинителите се казнува со разрешување