Бір отбасының кесірінен бүтін ауыл қалқаны қабатын сасық иіске уланып отыр. Алматы іргесіндегі Қырғауылды елдімекенінде Шаян әулеті 20 жылдан бері шошқа бағады. Доңыздың етін сатып саудасын қыздырып отырғандар тазалықты мүлдем сақтамайды дейді тұрғындар. Тіпті, шошқаның қаны мен қиын арыққа ағызады екен. Салдарынан ауылды мүңкіген жағымсыз иіс басқан. Тұрғындар талай рет құзырлы органға шағымданған. Бірақ ақ жағалылар есіктен сығалап, сырттай айыппұл салумен ғана шектелетін көрінеді. Әбден шыдамы таусылған халық бүгін тағы да ауылдың берекесін қашырып отырған үйдің ауласында жиналып бас көтерді. Бұл жолғы текетірестің немен аяқталғанын келесі бейнематериалдан көріңіздер. Сары қақпаны сындырардай қағып жатқан Алматы облысы Қырғауылды ауылының тұрғындары. Сасық иіске әбден түншығып, ашуға булыққан олар Шаян әулетіне өкпесі қара қазандай. Ауыл тұрғындарының наразылығына қарамастан құдайы көршілері ұзақ жылдан бері аядай жерге шошқа бағады. Тазалық атаулы мүлдем жоқ. Салдарынан аула түгілі ауылды қолқаны қабатын жағымсыз иіс басып қалған.. АУыл халқы есік-терезені ашу былай тұрсын бала-шағамызды далаға шығарудан қалдық деп отыр. ГҮЛЖӘМИЛЯ БАЙСАЛБАЕВА, Қырғауылды ауылының тұрғыны: – Осы жерде тұрам мен. Далаға шығуға мүмкіндік жоқ. Бәріміз ауырып асматик болып жатырмыз. Аллергиямыз шығып жатыр. Түншығып терземізді аша алмаймыз. Бәрін айттық әкімге де айттық. Бәріне айттық. Қырғауылды республикалық трассаның бойында орналасқан. Күре жолмен қатынайтын бүкіл жолаушылар ауылдағы ахуалды жақсы біледі. Сондықтан бұл маңайға жақындай бергенде көлік біткен терезелерін жауып, жолаушылар мұрындарын тұмшалап отырады. Жылдың төрт мезгілінде ащы иістің үзілмеуіне шошқа бағатындардың мал қиын тазаламауы былай тұрсын оны ауласында союы себеп болуы мүмкін дейді тұрғындар. Үйткені дәл есіктің алдынан ағатын арыққа қан мен ішек-қарынның қалдықтарын да төгеді екен. ЛАРИСА ШЫРБАГИНА, Қырғауылды ауылының тұрғыны: – Ағзамызды улап жатыр. Балаларды далаға шығармаймыз. Менің келінім екі қабат. Тереза ашалмаймыз. Шошқаның иісімен тыныстау мүмкін емес. Қанша шыдауға болады. Арыққа қанын ағызады. Масқара ғой. Мүңкіген иісті айтып қырғауылдықтардың арызданып бармаған жері қалмапты. Тіпті көршілерімен соттасып 2020 жылы жеңіске жеткен. Бірақ үш жыл өтсе де Шаян әулеті әлі күнге ойына келгенін істеп отыр. Шошқа басы артпаса, азаймаған. Ал шағым айта келгендерді үй иесі үйіндегі қосауыз мылтығымен атамын деп қорқытады екен. Әкім орынбасары да қауіптің қайдан келерін біліп, есікке сығалап барып кіреді. ҚУАНЫШ ҚОЖАХМЕТОВ, Райымбек ауылдық округі әкімінің орынбасары: – Айтып отырмын ғой сізге біз учасковыймен де келдік. Кіргізбейді. Мына кісілерде тұр Біз былай да көрдік. Жолатпайды. Кірсеңдер атам дейді. Біз штраф саламыз қолымыздан келетіні сол. РИМА ШАЯН, Қырғауылды ауылының тұрғыны: – Мен бәрін қалыпқа келтіремін деп ант беремін. СЭС қызметкерлерімен сөйлесіп қойдық. Олар барлық малға түймелерін салып, белгілеп кетті. Енді бір айдың ішінде бәрін құртамыз. Бәрін бір айдың ішінде қалыпқа келтіреміз деп ант су ішкендерге көршілері бұл жолы да сенді. Ауыл халқы Шаяндықтар малын құртып, иістен арылса бұған дейін болған барлық кикілжіңді ұмытып, кешірім береміз деп отыр. Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 Біздің сайт: www.31.kz және www.informburo.kz Біздің WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
