Таухид 20-бап. Алланың тағдырына сабырлық ету Аллаға иман келтіруге жатады. Ұстаз: Омар Теміртас

20. Алланың тағдырына сабырлық ету Аллаға иман келтіруге жатады. Алла Тағала сөзінде: {Кім Аллаға иман келтірсе, Ол оның жүрегін туралыққа бастайды...} (Тағабун, 11). Альқама (р.) жоғарыдағы аятқа байланысты былай деп айтқан: «Бұл басына қиыншылық түскен кезде, мұның Алладан екенін білетін, әрі сондықтан да разы болатын әрі мойынсұнатын адам туралы айтылған». Анастан (р.а.), Алланың елшісі صلى الله عليه وسلم былай деген: «Егер Алла Өз құлына жақсылық қаласа, Ол оның осы дүниеде жазалауын тездетеді. Ал егер Алла Өз құлына жамандық қаласа, Ол оны істеген күнәсі үшін жазалауын Қиямет күні толық тартқызғанға дейін шегеріп қояды». Хадисті Тирмизи жеткізген. Және Пайғамбар صلى الله عليه وسلم былай деген: «Сауаптың ұлылығы сынақтың ұлылығымен болады. Егер Алла бір қауымды сүйсе, оны сынайды. Кімдекім (Алланың тағдырына) риза болса, оған (Алладан) ризашылық нәсіп болады. Ал кімде-кім (Алланың тағдырына) ызыланса, оған (Алладан) ыза нәсіп болады». Хадисті Тирмизи хасан (жақсы) хадистердің қатарына қосқан.