Аудандық пайдалану бөлімнің жеке құрамдары бөлімнің аумағына ағаштар отырғызды

Қазақстан Республикасы Қорғаныс министрлігінің бастамасымен елімізде дәстүрлі түрде өткізіліп келе жатқан «Таза Қазақстан» экологиялық акциясы аясында, Сарыөзек гарнизонындағы аудандық пайдалану бөлімінің жеке құрамы қоршаған ортаны қорғау мен көгалдандыру ісіне өз үлесін қосты. Акция барысында жеке құрам бөлім аумағында санитарлық тазалық жұмыстарын жүргізіп, қоршаған ортаны көркейту мақсатында бірнеше түп тал-терек, шырша мен жеміс ағаштарын отырғызды. Бұл шараның басты мақсаты – әскери нысандардың аумағын абаттандырып қана қоймай, жеке құрам арасында экологиялық мәдениетті қалыптастыру және табиғатты қорғауға деген жауапкершілікті арттыру болды. Іс-шараға бөлім бастығы бастаған әскери қызметшілер мен азаматтық персоналдар белсенді қатысты. Олар аумақты қоқыстан тазартып, көгалдарға су құйып, отырғызылған көшеттерге күтім жасау жұмыстарын ұйымдастырды.