Жас сарбаздар бөлімнің оқу-жаттығу полигонында алғаш рет АК-74 қаруынан оқ ату жаттығуын орындады.

Сарыөзек гарнизонындағы 29108 әскери бөлімнің жауынгерлік дайындық жоспарына сәйкес, көктем айындағы әскер қатарына шақырылған жас сарбаздары бөлімнің оқу-жаттығу полигонында алғаш рет АК-74 қаруынан оқ ату жаттығуын орындады. Жас сарбаздардың атыс жаттығуын бастамас бұрын офицерлер мен сержанттар олармен атыс қаруынан атуға дайындалу және дұрыс көздеу, атыс қаруының сипаттамасын, атыс ерекшеліктері мен қауіпсіздік ережелерін қатаң сақтау туралы сабақтар өткізіп, нұсқамалар берді. Сондай-ақ атыс жаттығу барысында жас сарбаздар АК-74 автоматынан 4-ші оқу-бақылау атыс-жаттығуы бойынша бастапқы және басқа да нормативтерді пысықтады.