Биыл мемлекет және қоғам қайраткері Ғафур Мұхамеджановтың туғанына - 100 жыл. Қабырғалы қайраткерді еске алу мақсатында ғылыми-танымдық конференция өтті. Алқалы жиынға аймақ басшысы Нұрлыбек Нәлібаев және зиялы қауым өкілдері қатысты. Ғафур Мұхамеджанов еңбекпен есейген ердің бірі. Қаршадайынан бейнет кешіп, жалынды жастығын майданда өткізді. Небәрі 18 жасында соғысқа аттанып, ұрыс даласында ерліктің нақ үлгісін көрсетті. Алайда, 1944 жылы жараланып, елге оралады. Содан жүдеген жұрттың жанында болып, базары тарқаған топырақтың еңсе тіктеуіне тер төкті. НҰРЛЫБЕК НӘЛІБАЕВ – ОБЛЫС ӘКІМІ Қан майданнан жас азамат ел басқару ісіне араласып, өмірінің жарты ғасырын осы жолда өткізді. Ат үстінде жүріп, айналасына сыйлы, ағайынға қамқор болды. Ұлттың мұрасын ұлықтай білдім. Осындай ардақты азаматтардың есімдерін жас ұрпаққа ұлықтау баршамыздың азаматтық парызымыз. Қабырғалы қайраткер қызметтің барлық сатысынан өтті. Еңбек жолын ең әуелі ұстаздықтан бастады. Одан соң, елдік іске екпін берді. Шиелінің шаруасын ширатты, одан соң, Жаңақорғанды жаңа бір белеске шығарды. Осылайша, қос ауданды басқарып, елең-алаң кезеңде істің ығын тапты. Жүйелі жұмыс жүргізді. Ұтқыр ұйымдастырушы, білікті басшы ретінде ел есінде жатталды. Одан әрі, облыстық деңгейде қызмет атқарып, еңбегімен ерекше көзге түсті. МҰРАТ БАҚТИЯРҰЛЫ – МЕМЛЕКЕТ ЖӘНЕ ҚОҒАМ ҚАЙРАТКЕРІ Даңқ пен дақпыртқа қызықпай-ақ, ағамыз құмартқан жоқ. Өзінің жаратылыс мінез қалпын ешбір өзгертпестен. ИБРАГИМ ӘБИБУЛЛАЕВ – ҚОҒАМ ҚАЙРАТКЕРІ Өлшеусіз өнегелері, өміршең өсиеттері ілгері істері әркез жаңғырып, жадымызда тұр. Ғафур Мұхамеджанов өмірден түйген тәжірибесін кейінгімен бөлісіп, өзіндік мектеп қалыптастырды. Оның тәлімін алғандар қатарында Социалистік Еңбек Ері Орынбасар Бәйімбетов, мемлекет және қоғам қайраткері Сейілбек Шаухаманов, бірнеше мәрте сенатор болған Оңалбек Сәпиев, бірнеше ауданды басқарған Жолдасбек Ердешбаев, Сәмит Далдабаев секілді көптеген азаматтар бар. НҰРЛЫБЕК МЫҢЖАС – ТАРИХ ҒЫЛЫМДАРЫНЫҢ КАНДИДАТЫ Мұндай тұғырлы тұрғаларды кеңінен насихаттау бүгін аса қажет. Бұл санатқа елінің ертеңі үшін білім білігін бар асыл қасиеттерін сарқа жұмсаған Ғафур Мұхамеджанов лайықты деп санаймыз. Алғадай азаматтың есім үнемі дәріптеліп келеді. мақсатында Шиелідегі №270 қазақ орта мектебіне Қызылорда облысының құрметті азаматы Ғафур Мұхамеджановтың есімі берілді. Сондай-ақ, Жаңақорған ауданы мен Қызылорда қаласының сол жағалаудағы бас көшесі Ғафур Мұхамеджановтың есімін аталады. Ал жүз жылдығы аясында оңтүстік аудандарда мәдени-танымдық іс-шаралар өткізілмек. Сайт - Facebook - / qyzylordatv Instagram - / qyzylordatv Telegram - Tiktok - / qyzylorda_tv
