Қала күні аясында өнер және шығармашылық саласының өкілдері арасында «Өнер барысы - 2024» жарысы өтті. Балуандар екі салмақ дәрежесі бойынша белдесіп, өзара мықтыны анықтады. «Өнер барысы» додасына елуден астам жас тіркелген болатын. Соның ішінен жиырмасы іріктеуден өтіп, жарыс жолына шықты. Қатысушылар 85 келіге дейін және 85 келіден жоғары салмақта екі топқа бөлініп, белдесті. Жеңіл салмақта бірінші болып бозкілемге шыққан жайдарманшы Асылхан Дүкенбаев қарсыласы Димаш Тілеубергенді 30 секундта айқын басымдықпен жеңіп, келесі кезеңге жолдама алды. АСЫЛХАН ДҮКЕНБАЕВ, ЖАРЫСҚА ҚАТЫСУШЫ \Бұған дейінде бір рет ұйымдастырылған негізі. 80 келіге дейінші салмақта жеңімпаз атанғам. Сол атағымды қорғауға бүгін тағыда шығып тұрмын. Бүгінгі қарсыластар бұрынғыға қарағанда мықтырақ. Өнер мен спортты қатар алып жүрген. Жыр бәйгесінде қара үзіп, айтыс аламанында атой салып жүрген ұлттық өнердің өкілі Бексұлтан Орынбасар қазақ күресінде ұзаққа шаба алмады. Алғашқы «Өнер барысының» жеңімпазы Асылхан Дүкенбаевпен белдесіп, қарсыласына есе жіберіп қойды. БЕКСҰЛТАН ОРЫНБАСАР, ЖАРЫСҚА ҚАТЫСУШЫ \Батыр ақын болмаса, ақындыққа мін емес. Ақын батыр болмаса, көрген күні күн емес,- дейді. Айтыскер болсақта бүгін Өнер барысына қатысып, бақ сынап жатқан жайымыз бар. Микрофон ұстап, той тізгіндеп жүрген асабалар мен әншілер, жайдарманшылар мен жыршылар, театр әртістері мен медиа саласының өкілдері осылайша жарыс алаңында жолықты. Мақсат – ұлттық спортымызды ұлықтап, салауатты өмір салтын қалыптастыру және өскелең ұрпақты қазақ күресімен шұғылдануға шақыру. МЕДЕТ ЖОРАБЕК, ҚАЛАЛЫҚ ЖАСТАР РЕСУРСТЫҚ ОРТАЛЫҒЫНЫҢ ДИРЕКТОРЫ Қатысушылардың ішінде өнер саласында креативті индустрияны дамытып жүрген бірқатар танымал азаматтар бар. біз бұл арқылы жастар арасында бұқаралық спортты дамыту, ұлттық спорт түрлерін насихаттау болып табылады. Алдағы жылы жалғасады деп сенеміз, себебі қызығушылар көп. Сонымен, 85 келіге дейінгі салмақта Асылхан Дүкенбаев үшінші орын алса, Әсетхан Баймұрза екінші, Нұртілеу Жорабек бірінші орынды жеңіп алды. Ал, 85 келіден жоғары салмақта белдескен Олжас Балтақожа барлық қарсыласын жеңіп, «Өнер барысы» атанды. Жарыс жеңімпаздарына қаржылай сыйақы табысталды сондай-ақ бірінші орын иегерлері «Өнер барысы» белбеуімен марапатталды. Сайт - Facebook - / qyzylordatv Instagram - / qyzylordatv Telegram - Tiktok - / qyzylorda_tv
