Гоёл кашемир компани 2005 оноос өрхийн үйлдвэрлэлийн хэмжээнд бизнесийн гараагаа эхэлж байсан бол өнөөдөр 250 гаруй ажилтантай, өөрийн үйлдвэрийн барилгатай, 10 гаруй салбар дэлгүүрээр дамжуулан бараа бүтээгдэхүүнээ дотоодын хэрэглэгчдэдээ хүргэж байна. Мөн АНУ, Солонгос болон европын орнуудын зах зээлд бүтээгдэхүүнээ танилцуулан, экспорт хийж эхлээд байна. 2017 оноос эхлэн Экспортыг дэмжих төслийн Түншлэлийн хөтөлбөртэй хамтран ажиллаж, нийтдээ 4 удаагийн гэрээ байгуулж, санхүүгийн дэмжлэг авч, 10 гаруй төрлийн ажил, үйлчилгээг хийж гүйцэтгэжээ. Монгол нэхмэл хувьцаат компани 2019 онд сүлжих үйлдвэрээ байгуулж, Герман улсын “STOLL” болон Япон улсын “ShimaSeiki” автомат сүлжих машинууд, Итали улсын “COMPLETE” кителийн машин зэрэг сүүлийн үеийн тоног төхөөрөмжөөр үйлдвэрлэл явуулж байна. Жилд 50 000 ширхэг сүлжмэл бэлэн бүтээгдэхүүн үйлдвэрлэн, дотоод, гадаадын зах зээлд нийлүүлж эхэлжээ. Улмаар үйлдвэрийнхээ хүчин чадлыг нэмэгдүүлэх, ингэснээр гадаад зах зээлээ тэлэх, өргөжүүлэх, экспортын чадавхаа нэмэгдүүлэх зорилгоор Экспортыг дэмжих төслийн Түншлэлийн хөтөлбөрт хандсан байна. Мөнхбумууд ХХК-ийн захирал О.Батсуурь 2018 онд экспортыг дэмжих төслийн талаар мэдэж, үйл ажиллагаагаа өргөжүүлье, гадаад зах зээлээ тэлье гэсэн зорилготойгоор төслийн материалаа бүрдүүлж сонгон шалгаруулалтад оролцжээ. Ингээд төсөлдөө амжилттай тэнцсэнээр Түншлэлийн хөтөлбөртэй гэрээ байгуулан бүтээгдэхүүн хөгжүүлэлт, гадаад зах зээлийн судалгаагаа амжилттай болжээ.
