Башҡортстанда “Урындағы башланғыстарға ярҙам”, “Эшлекле ғәмәлдәр”, “Атайсалға- изге ғәмәлдәр йылы” кеүек ауылдарҙы төҙөкләндереү, тормош кимәлен яҡшыртыу, уңайлы шарттар булдырыуға йүнәлтелгән тиҫтәләгән программа эшләй. Күркәм башланғыстар ярҙамында төбәктәрҙә күп кенә хәл ителәһе мәсьәләләр ғәмәлгә ашырыла. Юлдар ремонтлана, балалар майҙансыҡтары төҙөлә, шишмәләр, парктар тәртипкә килтерелә, зыяраттар кәртәләп алына.Социаль мәсьәләләрҙе хәл итеүгә ярҙам итеүсе программалар Балтас районы Һәйтәк ауылына ла матур үҙгәрештәр алып килгән. Бөгөн “Тормош” проекты Балтас районы Һәйтәк ауылында.
