Аттиң, эмне деген ыр | ЖАРТЫ КАЙЫК — Түмөнбай Колдошов | Улуу Мурас #9

Сөзү: Зайырбек Ажыматов Обону: Түмөнбай Колдошов Аткаруучу: Түмөнбай Колдошов Оо, турмуш, мыйзамыңа каныктырдың, Жолумду жарык кылдың, жабык кылдың. Дардаңдап дос, жар күттүм деген менен, Дагы эле жалгыз бойдон калыптырмын. Багыты жок жарты кайык, Баратам турмуш жүгүн артып алып. Жашоону ким бар дейсиң түшүндүргөн? Жалгыздык жанга батып үшүп жүрөм. Жан дүйнөм жылуулукка муктаж болуп, Мээримди мен өзүңдөн күтүп жүрөм. Багыты жок жарты кайык, Баратам турмуш жүгүн артып алып. Аттиң, ай, көңүлдү эзет жан арманым, Ар дайым мээрим издеп карайладым. Күнүнө күмүш таптым, бирок, аттиң, Көксөгөн жылуулукту таба албадым. Багыты жок жарты кайык, Баратам турмуш жүгүн артып алып. Карытып пайдасы жок, ай-жылдарды, Калдактап кайран өмүр калбырланды. Каалгыйт айланамда бопбоз туман, Көк деңиз, жарты кайык алдымдагы. Багыты жок жарты кайык, Баратам турмуш жүгүн артып алып.