Ақыл есінің кемістігі бар 17 жастағы қыз ұзақ жылдар бойы зорлықтың құрбаны болған

Ақтөбеде ақыл есінің кемістігі бар 17 жастағы қыз ұзақ жылдар бойы зорлықтың құрбаны болған. Тіпті, жасөспірім жүкті болып, екі мәрте түсік жасатқан көрінеді. Жағаұстатарлық ақпаратты "Немолчи" қорының өкілдері жариялады. Ұйымның мәліметінше, жәбірленушіге 14-15 жасында еңгезердей еркектер қорлық көрсеткен. Алғашында, саяжайға алып барып, азғындық жасаған. Содан кейін 35-40 жастағы азаматтар жалдамалы пәтерде арам ойын іске асырған дейді. "Немолчи" қоры анасы болса ішімдікке салынып, мүгедектігі бар қыз қараусыз қалған деп отыр. Бойжеткеннің бір рет аборт жасатқанын денсаулық сақтау басқармасы растайды. Ал полиция жәбірленуші тарап ешқандай шағым жазбағанын жеткізді. Және қор таратқандай кішкентай қызды қорлағандар ересек азаматтар емес, өзі шамалас жеткіншек деп отыр. Осы жағдайға қатысы бар адамдардан жауап та алыныпты. Қорытындысында жасөспірімдер арасында келісіммен болғаны анықталды дейді. Сондықтан іс қозғалмаған екен. АЙГҮЛ НҰРКЕЕВА, Ақтөбе облысының бала құқықтары жөніндегі уәкілі: Учаскелік полиция қызметкері, қорғаншылық және қамқоршылық органдарының, сондай-ақ кәмелетке толмаған ісі жөніндегі комиссияның өкілдерімен бірге отбасыға бардым. Тұрмыс жағдайымен таныстым. Қазіргі уақытта мемлекеттік органдармен бірлесе жұмыс жүргізіп жатырмыз. Анықталғандай, анасы ата-ана құқығынан айырылмаған және шектелмеген. Жағдай – бақылауымда. #Информбюро #31арна #БастыЖаңалықтар #Новости #31канал