«Мүгедекпін» деп халықтан қайыр сұраған азаматтың өтірігі ашылды

Алты айға созылған айла. Семейде "мүгедекпін" деп халықты алдап қайыр сұраған азамат ұсталды. Таяққа сүйеніп, көпке өзін дәрменсіз көрсеткен 40 жастағы тұрғынның өтірігі жарты жылдан соң ашылған. Ұзақ уақыт бойы адамдардың аяушылығын тудырып, ақша жинап келген Сергей Ан ақыры бес тәулікке қамалып, жазасын өтеп шықты. Тараз қаласының тумасы Сергей Ан Семейге биыл сәуір айында келген екен. Ол “инсульттан кейін аяғымды баса алмай қалдым” деп өтірік айтып, көшедегі көптен қайыр тілеген. Таяқпен әрең жүрген азаматтың сөзіне сенген жұрт азын-аулақ қаражат беріп көмек қолын созған. Алайда бірнеше ай өткен соң ер адамның шындығы ашылды. Яғни, Сергейдің он екі мүшесі сау азамат болып шыққан. Әзірге оның қайыр сұрап жинаған ақшасының көлемі белгісіз. Тек өз қателігін мойындаған тұрғын көпшіліктен кешірім сұрады. #Информбюро #31арна #БастыЖаңалықтар #Новости #31канал