Пайғамбар ﷺ өмірбаяны, 16-дәріс: Мекке дәуірі 7 - 10 - жыл. Ұстаз: Омар Теміртас

Пайғамбарлықтың 7-жылы құрайыштар бас қосып, Һашим және Мутталиб әулеттеріне қарсы Мухаммад пайғамбарды ﷺ өздеріне өлтіруге тапсырғандарына дейін, олармен қарым-қатынас жасамауға анттасты. Олар бұл келісімді хаттамаға жазып, Қағба-ның ішіне іліп қойды. Осыдан кейін Әбу Ләһабтан басқа Һашим мен Муттолиб әулеттері орталықтан ығысып, Әбу Толибке қарасты аумаққа шоғырланды. Олар осындай қиын жағдайда үш жыл болды. Кейін 10-жылдың басында Һишәм, Зуһейр, Мутғим, Әбу Бухтари және Замға деген туыстары себебімен келісім бұзылды. Сол жылы Әбу Толиб пен Хадиша анамыз көз жұмды. Сол кезде құрайыштардың да пайғамбарымыздың ﷺ ізін бағып, жәбір-жапа көрсетулері жиілеп кетті.